سه‌رۆك مه‌سعود بارزانى ل پیرمام پێشوازى ل دانیێل هوون بالیۆزێ سویسرا ل عیراقێ كر.
باره‌گایێ بارزانى د ڕاگه‌هاندنه‌كێدا دیاركر، سه‌رۆك بارزانى ڤه‌كرنا بالیۆزخانه‌یا سویسرا ل عیراقێ و ده‌ستبكاربوونا وى وه‌كو بالیۆزێ نوو یێ سویسرا ل عیراقێ، ل دانیێل هوون پیرۆزكر، هیڤییا سه‌ركه‌ڤتنێ بۆ خواست و ڕاگه‌هاند، گه‌لێ كوردستانێ ڕێزه‌كا تایبه‌ت بۆ گه‌ل و حكومه‌تا سویسرا هه‌یه، هیڤى خواستن په‌یوه‌ندییێن هه‌ردوو لایه‌نان دبیاڤێن جۆدا دا ب تایبه‌تى ژێرخانه‌یا ئابوورى و ساخله‌مییێ به‌فره‌هتر لێ بهێن.
هه‌ر د دیدارا واندا، بالیۆزێ سویسرا ل عیراقێ پێزانین بۆ ڕۆلێ مێژووییێ سه‌رۆك بارزانى د پرۆسه‌یا سیاسیا عیراقێ و كوردستانێدا هه‌بوون، هه‌روه‌سا سه‌ركه‌ڤتنا پرۆسه‌یا هه‌لبژارتنێن په‌رله‌مانێ كوردستانێ ل سه‌رۆك بارزانى پیرۆزكر، خۆشحالییا خۆ بۆ كرنا هه‌لبژارتنان د سه‌قایه‌كێ ئارام و ئاشتییانه‌دا ده‌ربرى و ب سه‌ركه‌ڤتنه‌كا مه‌زن بۆ گه‌لێ كوردستانێ و دیموكراسییێ ل قه‌له‌مدا.
