نێچيرڤان بارزانى، سهرۆكێ ههرێما كوردستانێ ئەڤرۆ پێشوازی ل سهرۆك و ئهندامێن كۆمسيۆنا بلند یا سهربهخۆیا هەلبژارتنان و ههمی ئهو تيمێن كۆمسيۆنێ كر یێن كو سهرپهرشتيیا هەلبژارتنێن پهرلهمانێ كوردستانێ كری.
نێچيرڤان بارزانى، سوپاس و پێزانين بۆ ئهرك و كارێ كۆمسيۆنێ و بۆ پشتەڤانی و هاريكاريیا سهرۆكوهزيرێن فيدرال و دهستهەلاتا دادوهريیا عیراقێ دووپاتكر و ستايشا خزمهت و ماندیبوونێ د بڕێڤەبرن و سهرئێخستنا هەلبژارتنان و پرۆسهیا دهنگدانێ دا كر، ههروهسا داكۆكی ل هندێ كر كو ب هەمی پیڤەران، ئهڤ هەلبژارتنە بۆ ههرێما كوردستانێ گەلەك د گرنگ بوون.
ئاماژه ب هندی ژی كر، سەركەڤتنا هەلبژارتنان، ئهنجامێ ڕۆل و دلسۆزى و هاريكاريیا كۆمسيۆنێ بوو ل گهل ههمی لايهنێن پهيوهنديدار یێن ههرێما كوردستانێ و دهستخۆشی لێ كر و هیڤیا سهركهڤتنێ بۆ خواست.
ژ لایێ خۆڤە، كۆمسيۆنا بلند یا سهربهخۆیا هەلبژارتنان پیرۆزباهییا سهركهڤتنا هەلبژارتنان ل نێچيرڤان بارزانى و ههرێما كوردستانێ كر، دیاركر، ههر ژ بانگهشا هەلبژارتنان هەتا ئەنجامدانا دهنگدانێ، پرۆسهكا سەركەڤتی بوو و ئێكەم جارە ل عیراق و ههرێما كوردستانێ، چ تانه یێن سوور ل سهر هەلبژارتنان نەهێنە تۆماركرن.
