رێڤه‌به‌رێ ئامارا پارێزگه‌ها دهۆکێ: پتر ژ 17 هزار کەسان فۆرم پڕکرینە داكو ببنە بژمێر بۆ سەرژمێرییا گشتی

رێڤه‌به‌رێ ئامارا پارێزگه‌ها دهۆكێ دیار كر: نوكه‌ پرانیا فەرمانبەرێن رێڤەبەریا ئامارا پارێزگه‌ها دهۆکێ دەوامێن خۆ کرینە 24 ده‌مژمێر داكو ئامادەکارییێن پێدڤی بۆ سەرژمێریا گشتی ل عیراقێ و هه‌رێما كوردستانێ تەمام بکەن، هه‌روه‌سا د ده‌مێ كێمتر ژ سێ رۆژان دا پتر ژ 17 هزار کەسان فورم پڕکرینە بۆ هندێ ببنە بژمێر بۆ سەرژمێریێ” ل گه‌ل هندێ ” مه‌ پێدڤی ب پتری چار هزار هژمێران هه‌یه‌ بۆ سه‌رژمێریا گشتی.

چیاڤان عەبدولرزاق، زێده‌تر دیار كر: داكو ئاستەنگ بۆ پرۆسا پەروەردێ دروست نەبیت، پێشنیار هاته‌ کرن، دەرچوویێن دانه‌مه‌زراندی ببنه‌ بژمێر بۆ ده‌مێ دو هه‌یڤان و هه‌یڤ ژی ب 250 هزار دیناران، ل سنۆرێ پارێزگه‌ها دهۆکێ مه‌ پێدڤی ب پتری چار هزار بژمێران هه‌یه‌، بەلێ نوكه‌ نێزیکی 17 هزار کەسان ب شێوێ ئۆنلاین فۆرمه‌ پێشکێشکرینە.