نێچیرڤان بارزانى سه‌رۆكێ هه‌رێما كوردستانێ په‌یامه‌كا پیرۆزباهییێ ب هه‌لكه‌ڤتا 240 سالییا بنیاتدانانا سلێمانییێ به‌لاڤكر و تێدا دیاركر، باژێر دمێژوویا كولتوور و سیاسییا گه‌لێ كوردستانێدا ناڤه‌كێ كارتێكه‌ر و دیاره.
سه‌رۆكێ هه‌رێمێ ڕاگه‌هاند، هه‌لكه‌ڤتا 240 سالییا بنیاتدانانا سلێمانى پایته‌ختێ ڕه‌وشه‌نبیرى، باژێرێ ئه‌ده‌ب و هونه‌رى، باژێرێ هه‌لمه‌ت و قۆربانیدانێ، ب گه‌رمى ل تماما خه‌لكێ خۆشتڤییێ باژێرى پیرۆز دكه‌ت و هیڤییا سه‌ركه‌ڤتنێ بۆ دخوازیت.
هه‌روه‌سا ئاشكراكر، سلێمانى د مێژوویا كولتوور و سیاسییا گه‌لێ كوردستانێدا ناڤه‌كێ دیار و كارتێكه‌ر ه‌و هه‌رده‌م جهێ ڕێز و پێزانینان و شانازییا گه‌لێ كوردستانێ بوو، هیڤییا به‌رده‌وامییا گه‌شه‌كرن و ئاڤه‌دانى و پێشكه‌ڤتنا زێده‌تر و ئارامى و سه‌قامگێرییێ بۆ سلێمانییێ و هه‌موو باژێر و ده‌ڤه‌رێن كوردستانێ دخوازیت.
