ئەندامەکێ لژنا نەفت و گازێ ل پەرلەمانێ عیراقێ ڕاگەهاند، عەلی معارج، وەکیل وەزیرێ نەفت و گازا عیراقێ بڕیار دا ب هنارتنا 50 ملیۆن لترێن نەفتێ بۆ هەرێما کوردستانێ.
ئەڤرۆ پێنجشەمبی، 28ـی چریا دووێ 2024، شاندەکێ هەرێمێ کو پێکهاتبوو ژ فارس عیسا، نوونەرێ هەرێما کوردستانێ و د. سەباح سوبحی، ئەندامێ لژنا نەفت و گازێ ل پەرلەمانێ عیراقێ دگەل دوو ڕێڤەبەرێن گشتی ل وەزارەتا سامانێن سروشی، سەرەدانا وەزارەتا نەفت و گازا عیراقێ کر.
د. سەباح سوبحی، ئەندامێ لژنا نەفت و گازێ ل پەرلەمانێ عیراقێ دیارکر، ئەوان ل سەر سێ بابەتێن سەرەکی دگەل وەزارەتا نەفت و گازێ ئاخڤتیە کو پێکهاتینە ژ: “خالا ئێکێ، مە سالانە 50 ملیۆن لترێن نەفتێن هەنە کو ل سەر وەلاتییێن هەرێما کوردستانێ دا دهێنە دابەشکرن، هەرچەند ئەم پێدڤی ب 208 ملیۆن لتراینە، بەلی وەزارەتا سامانێن سرۆشتییا بەغدا 50 ملیۆن لتر بۆ کوردستانێ دیارکرینە.”
