سه‌رۆكێ حكومه‌تێ پێشوازی ل بالیۆزێ نوو یێ چیكێ كر

مه‌سرور بارزانی سه‌رۆكێ حكومه‌تا هه‌رێما كوردستانێ پێشوازی ل یان شنایداوف بالیۆزێ نوو یێ چیكێ ل عیراقێ كر.

د دیدارا واندا دانوستاندن ل دۆر گه‌شه‌پێدانا په‌یوه‌ندییێن دوولایانه‌ و گرنگییا پێكینانا كابینه‌یا نوو یا حكومه‌تا هه‌رێما كوردستانێ د زووترین ده‌مدا هاتنه‌ كرن.

سه‌رۆكێ حكومه‌تێ پیرۆزباهی ل بالیۆزی كر و هیڤییا سه‌ركه‌ڤتنێ بۆ خواست، ژلایێ خۆڤه‌ بالیۆزێ چیكێ حه‌زا پێشڤه‌برنا زێده‌تر یا په‌یوه‌ندییێن وه‌لاتێ خۆ دگه‌ل هه‌رێما كوردستانێ د بیاڤێن جۆدا دا دووپاتكر.

چاره‌سه‌ركرنا ئاریشه‌یێن هه‌رێما كوردستانێ و حكومه‌تا فیدرال و دابینكرنا مافێن ده‌ستووری و شایسته‌یێن داراییێن هه‌رێمێ پشكه‌كا دییا دانوستاندنان بوو.