وه‌زاره‌تا چاندنێ و ژێده‌رێن ئاڤێ ل حكومه‌تا هه‌رێما كوردستانێ ڕاگه‌هاند، ئه‌و دێ ب هه‌ڤپشكى دگه‌ل ڕێكخراوا خۆارنێ یا جیهانى WFPسێ پۆندێن ستراتیجى و دارستانه‌كا ده‌ستكرد دروست كه‌ت.
ل دووڤ ڕاگه‌هاندنه‌كا وه‌زاره‌تا چاندنێ، دارستانه‌كا ده‌ستكرد ل سه‌ر ڕووبه‌رێ 1200 دونه‌مان ژ چارچووڤێ پرۆژه‌یێن سێكته‌رێ باخدارییێ ب هه‌ڤپشكى دناڤبه‌را وه‌زاره‌تێ و ڕێكخراوا خوارنا جیهانیدا، دێ هێته دروستكرن.
سه‌باره‌ت پۆندان ژى ئاشكراكر، نوكه هه‌ردوو لایه‌ن مژوولى ده‌ستنیشانكرنا جهینه، ئه‌و پۆه‌ندێن گه‌له‌ك د پێدڤى و گرنگن، دێ هێنه نووژه‌نكرن و چاكسازى تێدا هێته‌كرن.
وه‌زاره‌تێ ئاشكراكر، ئه‌و دێ دگه‌ل ڕێكخراوێ كار بۆ چاره‌سه‌ركرنا ئاریشه‌یا ئاڤا سنوورێ بازیان ل سلێمانییێ، چاكسازیكرن ل به‌نداڤا دێوانه و كاراكرنا وێستگه‌هێن سه‌قاناسییێ و ڕاهێنانكرن ب ستافێ كادر و فه‌رمانبه‌رێن تایبه‌ت یێن وێستگه‌هان كه‌ن.
