هێشتا ب درۆستى نه‌هاتیه زانین كا جارێ ئه‌ڤ گۆتنێن نوكه ژ زارده‌ڤێ به‌رێز سیستانى هاتینە كرن كو دبێژیت ئێك پارچه‌یا عیراقێ ب پارێزن کا یێن وى بخۆنه یان هنده‌كا بناڤێ وى كرینه و ره‌نگه راست بن ره‌نگه ژى سوبەهى لێڤه‌ببن هه‌رچه‌نده دوور د بینم لێڤه‌ببن، ب هه‌ر حالێ هه‌ى جه‌نابێ سیستانى كه‌سه‌ك مه‌زن و خۆدان بهایه‌كێ مه‌زنه و هه‌ر چه‌نده كێمترین مایتێكرنێ ب ئاشكرا د سیاسه‌تێدا دكه‌تن، لێ ب راستى د نوكه دا ئه‌ڤ گۆتنه ئه‌گه‌ر وى گۆتبن یان پێ هاتبنە گۆتن پێدڤى ب سەر راوه‌ستیانه‌كێینه جه‌نابێ سیستانى و هه‌مى موئەسه‌سا (مەرجەعیا) نه‌جه‌فا پیرۆز كو خۆ ب خۆدان و خه‌مخورێ هه‌مى عێراقێ دزانن ژ نوو پشتى ده‌وله‌تا (بەنى ئومەیه) ل شامێ هاتیە راگه‌هاندن كورد هاتنە بیرا هه‌وه كورد نه‌بوون ده‌نگدایه وى دەستورێ شیعه كرینه ده‌سته‌لات بۆ جارا ئێكێ پشتى نه‌مانا (ئیمام عه‌لى) كورد كه‌نگى گه‌ف بوونه بۆ سه‌ر ده‌وله‌تا ئینگلیزا درۆست كرى، نه پسیار ب كوردان كرى و نه ب شیعەیان كرى، جه‌نابێ سیستانى وه‌ك كه‌س مه‌رجه‌ع ژ راستى جهێ رێزێیه ل زۆر بابه‌تان نه‌مازه ل هندێ كو (ویلایه‌تا فه‌قهیى) بۆ عیراقێ ب په‌سه‌ند نه‌زانیه، ئه‌و سه‌نگا نه‌جه‌فێ هه‌ى كوردان ب كێمیڤە ڤان بیست سالێن شیعه ده‌ستهه‌لات قه‌د هه‌لویسته‌كێ نه ئه‌رێنى و نه نه‌رێنى نه‌دیتیه، بێ ده‌نگیه‌كا جهێ گومانێیه (نه‌جه‌ف) ب سه‌نگ و گرانیا خوڤه.كو لسه‌ر هه‌مى بابه‌تان بۆچوون هه‌یه لسه‌ر كوردان نه‌بیت، كه‌سێ ناڤێ نه‌جه‌فێ پشتى شیعه ب هێز كه‌ڤتین و حزبا مالكى بوو ب ئاشكرا گۆتى (تحالفا شیعى و كوردى) زواج (متعه) بۆ خلاس و ئه‌ڤه (10) ساله 7 ملیون كورد لژێر هه‌مى ره‌نگه گڤاشتن و ئابلوقێ دانن، كا ئه‌و ده‌ستورێ كوردان ژ كێلبێن(سنا) قورتال كرى، نوكه وه‌ك (مینیویا خارنگه‌ها) ل گۆر حه‌زا شیعەیان دهێته بنپێكرن و ملله‌ته‌ك دهێته برسى كرن بناڤێ شیعێن (ئیمام عەلى)، مه‌رجه‌عیا نه‌جه‌فێ منه‌ته‌كا مه‌زنا لسه‌ر كوردان هه‌ى ل سالێن شێستا بۆ كۆشتنا كوردان لسه‌ر ناسنامێ حه‌رام كرى پسیار بۆ نه‌جه‌فا نوكه، برسیكرن، كوشتن نینه ب ئامرازه‌ك پیستر، ئیمامێ (عەلى) رازیه مله‌ته‌ك بێ ده‌وله‌ت بیت، هه‌تا ڤێجا بێ نان بیت و ب سپونسه‌ریا (نه‌جه‌فێ)؟! ل لسه‌ر ده‌مێ شیعه‌یان بۆ (300) جاران هه‌ولێر موشه‌ك باران كرى ژلایێ شیعه‌یانڤه ژ ئیرانێ و ژ عێراقێ ئه‌ڤ مه‌رجه‌عیا (رشید) لكیڤه بوو، ما كورد نه عێراقىنه هه‌ر چوونه لسه‌ر كاغه‌زێ كوردان سۆزه‌كا تایبه‌ت بۆ شیعه‌یان هه‌بوو و ئینكار و سته‌م دگه‌هاندنە ئێك و نوكه پشتى شیعه‌گه‌رییا سیاسى كه‌ڤتیە مه‌ترسیێ ژ نوو دێ بناڤێ جه‌نابێ سیستانى داخوازا (هەڤپەیمانیەکا كوردى شیعى)كه‌ن؟! جارێ یان سیستانى ئاگه‌هـ ڤان داخویانیا نینه یان راستى ناجیت سه‌رێ مندا، مه‌رجه‌عیەتا نه‌جه‌فێ بێ ئاگه‌هـ بیت ژ تالانى و گه‌نده‌لى و سته‌ما شیعه‌یان ل كوردان كرى لسه‌ر ده‌مێ خۆدا، لسه‌ر چ داخواز ژ كوردان بهێتە كرن عیراقێ ب پارێزن چ عیراقه‌كێ ب پارێزین یا گه‌ندەلترین ده‌وله‌ت، بێرێزترین وه‌لاتێ بێ سه‌روه‌رى و وه‌لاتێ گروپێن میلیشیان وێ ئاراسته دكه‌ن، نیڤه‌ك سونە ئاواره‌نه و چارێکەک د زینداناڤەنە، كورد 10 ساله برسى كرینه چ عێراقه‌كێ پارێزین جه‌نابێ سیستانى، مه‌زنیا هه‌وه و كاریگه‌ریا هه‌وه نه‌یا هندێ یه خۆ گوشه‌گیركه‌ن و سیاسیان نه بینن و لسەر كاره‌ساتێن وه‌لاتى نه ئاخڤن.
ب راستى بۆ من جهێ شۆكێ بوو کو ئه‌ڤرۆ هه‌موو میدیایا عیراقێ داخویانیا جه‌نابێ سیستانى كریه مانشێت، كورد ئێك پارچه‌ییا عیراقێ ب پارێزن، هەروەکی كوردان عیراق راده‌ستى ئیرانێ كریە، هەروەکی كوردان ده‌ستور ئه‌رشیف كرى هەروەک دوردا (خور زبیر) فرۆشتى، هەروەکی كوردان عیراق گه‌نده‌ل كرى، هەروەکی كوردان وه‌كرى عیراق خۆدانا بێ قیمه‌تترین (پاسپورت)ێ بیت، هەروەکی كوردان (1000) ملیار دولار ژ میزانیا عیراقێ بەرزە كربن، خێره ناچیتە سه‌رێ كه‌سێ نه‌جه‌فێ ئاگه‌هـ ژ هندێ نه‌بیت عیراق چ كاره‌ساته و ژ نوو داخوازێ ژ كوردان دكه‌ن، سیاسیێن كورد دزانم چ رێزه‌كا تایبه‌ت بۆ سیستانى و مه‌رجه‌عیا نه‌جه‌فێ هه‌یه، به‌س ب راستى ئه‌ڤ داخوازیە بێی مه‌رج ناهێت ڤێ جارێ هه‌ر چوونە ب فه‌توایه‌كێ پشتى ده‌ستور (ئه‌مرێ خودێ) كرى سه‌رده‌ستێ شیعەیان لسه‌ر كوردان ده‌ركه‌ڤتن.
سلاڤ.. (ئایه‌توللا سەید سیستانى)..؟!
