بەرپرسێ ئۆفیسا دهۆکێ یێ کۆمسیۆنا بلند یا سەربەخۆ یا هەلبژارتنێن عیراقێ ڕاگەهاند، بڕیارە ل حەفتییا بهێت، بەغدا کۆژمێ دوو ملیار دیناران وەکو شایستەیێن کارمەندێن سەر سندۆقێن هەلبژارتنان یێن پەرلەمانێ کوردستانێ بۆ پارێزگەها دهۆکێ ب هنێریت.
ئەڤرۆ ئێکشەمبی 22ـی کانوونا ئێکێ 2024ـێ، خالد عەباس، بەرپرسێ ئۆفیسا دهۆک یا کۆمسیۆنا بلند یا سەربەخۆ یا هەلبژارتنێن عیراقێ راگەهاند، 9 هزار فەرمانبەران پشکداری د پڕۆسەیا هەلبژارتنێن کوردستانێ دا کریە، کۆژمێ شایستەیێن ئەوان فەرمانبەران ژی دوو ملیار دینارن.
خالد عەباس ئاماژەکر، بڕیارە ل حەفتییا بهێت ئەو کۆژمێ پارەی ژ لایێ وەزارەتا دارایی و ئابووری یا حکومەتا فیدڕالڤە بۆ پارێزگەها دهۆکێ بهێتە هنارتن.
بەرپرسێ ئۆفیسا دهۆک یا کۆمسیۆنا بلند یا سەربەخۆ یا هەلبژارتنێن عیراقێ دیارکر، ئەگەر پارە د دەمێ دیارکریدا بگەهیت ئەو دێ پێدڤی ب 10 ڕۆژان بن، تا کو چەکێن پارەی ئامادە بکەن و ل سەر 10 بانکان دا دابەش بکەن، دا کو ب کارمەندێن سەر سندۆقێن دەنگدانێ بهێنە دان.
