محەمەد شیاع سودانی، سەرۆکوەزیرێن عیراقێ د پەیامەکێ دا کو ب زمانێ کوردی ل تۆڕا “X” بەلاڤکریە، رادگەهینیت، سەرەڕای بورینا چەندین سالان ل سەر نەمانا دڕندەیی یا رژێما بەعس و زولم و زۆرداریێ ل سەر سینگێ عیراقیان، لێ بەلگەیێن تاوانێن دڕندانە یێن رژێما بەرێ، رۆژ ب رۆژ ئاشکرا دبن و قەبارێ وێ دڕندەییێ ڤەدگێڕن، یا کو گەلێ مە د بن دەستهەلاتا دیکتاتۆریێدا ب سەرێ وان دا هاتی.
هەروەسا دبێژیت، “دیتنا گۆرەکێ بکۆمێ نوو کو هەستیێن پاقژ یێن زارۆک و ژنێن گەلێ کورد تێدا هەنە، ل چۆلێن سەماوا، کاروانێ خوینرشتن و خەبات و نەخۆشی و بەرزەبوونا مە دئینیتە بیرا مە، کو تێدا گەلێ مە د بن دڕندەییا رژێما رەگەزپەرستدا ئازار و مەینەتی د کێشان”.
سودانی د دووماهییا پەیاما خۆ دا دبێژیت، سلاڤ بۆ گیانێ پاقژ یێ شەهیدێن عیراقێ و شەهیدێن ستەمێ و قوربانیێن دڕندەییا دیکتاتۆرا قێزەون.
