ئه‌ڤ ساله‌ ل به‌غدا زۆرترین بنپێكرن بەرامبەر رۆژنامەڤانان هاتینه‌ تۆمار کرن

کۆمەلا ئازادییا ڕۆژنامەڤانی (PFAA) ڕاپۆرتا خۆ یا ساڵانە ده‌ربارەیی بنپێكرنان بەرامبەر ڕۆژنامەڤانێن عێراقی به‌لاڤکرییە و دیار کرییە “ئەڤ ساله‌ بنپێكرنێن بێ وێنە بەرامبەر ڕۆژنامەڤانێن عێراقی هاتینه‌ کرن.”

وێ كۆمه‌لێ دیار كرییه‌” ئه‌ڤ ساله‌ 457 دەستدرێژی ل دژی ڕۆژنامەڤانان ل پارێزگه‌هێن جودا عێراقی هاتینه‌ تۆمار کرن کو پێكهاتینه‌ ژ” کوشتنێ، دەسته‌سه‌ركرنێ، گه‌فلێكرن، داخوازێن یاسایی و ڕێگرییا ڕوومالکرنێ.

کۆمەلا ئازادییا ڕۆژنامەڤانی گۆت ژی: ئەڤ ساله‌ بەغداد ل پێشەنگییا وێ لیستێ دایە و زۆرترین بنپێكرن به‌رامبەر ڕۆژنامەڤانان تێدا هاتینه‌ تۆمار کرن کو 105 حالەت بوون.”