<h2><span style="font-size: 18pt;">دەرونناسییا پەروەردەی (علم النفس التربوي) لایەنەکێ گرنگە ژ لایەنێن دەرونناسییێ چونکی سەرەدەریێ دگەل شێوازێن فێربوونا مرۆڤی دکەت و ل دەمێ فێربوونێدا دووپات ل سەر هەمی لایەنێن دەروونی دکەت ژبەر هندێ یا پێدڤییە مامۆستا بنەمایێن فێربوونا مرۆڤی د هەمی قوناغێن ژییێ قوتابیدا بزانیت زێدەباری ئەڤێ چەندێ دڤێت مامۆستا زانیارییان د لایەنێ هەلچوونی و هزری و ئەخلاقی یێ قوتابی ب دەستڤەبینیت، چونکی ئەڤان ئەگەران و چەندین ئەگەرێن دیتر کارتێکرنەکا ئێکسەر ل سەر پرۆسەیا فێربوونێ هەیە ئەگەر مامۆستا شارەزایی د ڕەهەندێن سەرەکییێن پرۆسەیا فێرکرنێ نەبیت وی دەمی نەشێت ب سەرکەڤتیانە کارێ خۆ ئەنجامبدەت.</span></h2> <h2><span style="font-size: 18pt;">ئەرێ دەرونناسی ژبۆ پرۆسەیا پەروەردێ یا گرنگە؟</span> <span style="font-size: 18pt;">ئەو هەمی ژێدەرێن ل سەر دەروونی یان پەروەردێ هاتینە نڤێسین مەبەستا سەرەکییا ئەوان ئەو بوویە هاریکاریا مامۆستای بکەن ب شێوەیەکێ باشتر سەرەدەریێ دگەل قوتابییێن خۆ بکەت و شارەزاییەکا ڕاست و دروست دەربارەی بیردۆز و بنەمایێن فێربوونێ بدەستڤە بینیت داکو ئاستێ وانەگۆتنێ ل دەڤ وی باشتر لێ بکەت و ماموستا هونەرێ پەیوەندییێ دگەل قوتابییان بزانیت ئەوژی ب ڕێکا باشترکرنا ژینگەها پۆلا خواندنێ بۆ قوتابییان داکو بشێت پرۆسا فێربوونێ ب سەرکەڤتیانە ئەنجامبدەت.</span> <span style="font-size: 18pt;">ئەم دشێین بێژین دەرووناسی ل بیاڤێ پەروەردەییدا چەندین ڤەکۆلینێن زانستی تێدانە کو ئەڤ ڤەکۆلینە بۆ مە چەوانییا پەیدابوونا پرۆسەیا فێربوونێ ل دەف مرۆڤی دیاردکەت هەروەسا ڤان ڤەکۆلینان بۆ مە ڕۆلێ مامۆستای د ئەڤێ پرۆسەیا فێربوونێدا دیارکریە هەروەسا دیارکریە کو مامۆستا چەوا دێ د ئەنجامدانا کارێ فێربوونێدا یێ هاریکار بیت چونکی ئەڤ تایبەتمەندیە ڤەکۆلینێ ل سەر گەشەیا مامۆستای و قوتابی دکەت و ڕوناهییێ د ئێخیتە سەر چەوانیا فێربوونا ڕەفتاران د کاودانێن جودادا.</span></h2> <h2><span style="font-size: 18pt;">زێدەباری ئەوێ چەندێ کو دەرونناسی د بیاڤێ پەروەردەیدا هاریکاریا مە دکەت ئەم پێدڤیێن قوتابیان د لایەنێن جودا بجهدئینین دگەل ئەڤێ چەندێ شارەزاییەکا باش ل سەر چەوانیا سەرەدەریکرنێ دگەل ئاستێن جودا د دەتە مە داکو باشترین ژینگەها خواندنێ بۆ قوتابییان بەردەست بکەین.</span></h2> <h2><span style="font-size: 18pt;">دەرونناسییا پەروەردەی ژمارەکا پسیاران ئاراستە دکەت ژ ئەوان:</span></h2> <h2> <span style="font-size: 18pt;">١ــ چەوا و بۆچی زارۆك فێردبیت؟</span> <span style="font-size: 18pt;">٢ــ ئەرێ جوداهی دناڤبەرا فێربوونا زارۆکی و مەزنیدا هەیە؟</span> <span style="font-size: 18pt;">٣ــ چەوا مامۆستا دێ شێت پالدەری بۆ قوتابییان دروستکەت داکو فێربن؟</span> <span style="font-size: 18pt;">٤ــ مامۆستا چەوا دێ شێت وانەیێن خۆ ب سەرکەڤتیانە ئەنجام دەت؟</span> <span style="font-size: 18pt;">٥ــ ئاستەنگێن پرۆسەیا فێربوونێ چنە؟ و چەوا ئەم دێ شێین ل سەر ئەڤان ئاستەنگان زاڵ بین؟</span></h2> <h2> <span style="font-size: 18pt;">دەرونناسی و بریارێن مامۆستای:-</span></h2> <h2><span style="font-size: 18pt;">مامۆستایێ سەرکەڤتی ئەو مامۆستایە ئەوێ خودان بریارێن ڕاست و دروست بیت دەربارەی دارشتنا ئارمانجێن خۆ و شێوازەکێ گونجای بۆ چارەسەرکرنا ئاریشێن پەروەردەی د هەلبژێریت و ب شێوەیەکێ ڕاست و دروست پۆلا خواندنێ ب ڕێڤەدبەت.</span> <span style="font-size: 18pt;">ژبەر هندێ ل سەر مامۆستای پێدڤییە بەری ڤەکۆلینێ ل سەر پرۆسەیا فێربوونێ ل فێرکرنێ بکەت شارەزایی ب ئەوان هەمی گوراوا هەبیت ئەوێن کارتێکرنێ ل سەر ئەڤێ پرۆسەیێ دکەن داکو بشێن پرۆگرامەکێ سەرکەڤتی د لایەنێ وانەگۆتنێدا بخۆ دارێژیت.</span></h2> <h2> <span style="font-size: 18pt;">زانایێن لایەنێ پەروەردەی وەسا دبینن کو پرۆگرامێ وانەگۆتنا سەرکەڤتی پێدڤییە:</span></h2> <h2> <span style="font-size: 18pt;">١ــ دەستنیشانکەر بیت:- واتە ئاستێ پرۆسەیا مەعریفیا قوتابییان دەستنیشان بکەت داکو ئارمانجا گونجای و چالاك دارێژیت زێدەباری ئەڤێ چەندێ چارەسەریێ بۆ ئاریشێن پێشبینیکری دارێژیت.</span></h2> <h2> <span style="font-size: 18pt;">٢ــ ڕینماکەربیت:- واتە ڕێنمایان دەربارەی بارودۆخێ فێربوونێ پێشکێش بکەت داکو قوتابی و مامۆستا ب باشترین شێوە دەستکەڤتێ خواندنێ بدەستڤە بینیت.</span></h2> <h2> <span style="font-size: 18pt;">٣ــ پیڤەری بیت:- واتە پیڤەرەکێ تایبەت هەبیت بۆ پیڤانا ئاستێ فێربوونێ ل دەڤ قوتابییان داکو ئەم بشێین بریارەکا ڕاست و دروست سەبارەت پرۆسەیا فێربوونێ بدەین و داکو ئەم ئەوان بریاران بزانین ئەوێن کارتێکرنێ ل سەر پرۆسەیا فێرکرن و فێربوونێ دکەن.</span></h2>
