بەرپرسێ ڕاگەهاندنا دەزگەهێ ئاسایشا هەرێمێ ڕاگەهاند، د ئەڤسالەدا 636 تیرۆریست و 1019 تۆمەتبار و بکارئینەرێن ماددێن هۆشبەر هاتینە دەستەسەركرن.
عەقید سەلام عەبدولخالق، بەرپرسێ ڕاگەهاندنا دەزگەهێ ئاسایشا هەرێمێ ئامارێن کار و چالاکییێن سالا 2024 یێن ڕێڤەبەرییێن سەر ب وی دەزگەهیڤە بەلاڤكرن و تێدا دیاركر، د ئەڤسالەدا، 257 ئۆپەراسیۆن بۆ دەستەسەركرنا تیرۆرستان هاتینە ئەنجامدان و د ئەنجامدا 636 تیرۆریست ل دویڤ ماددێن 2 و 4 یێن یاسایا بنبڕکرنا تیرۆرێ هاتینە دەستەسەركرن.
هەروەسا 1019 تۆمەتبارێن بازرگانیکرن و بکارئینانا ماددێن هۆشبەر هاتینە دەستەسەركرن و دەست ب سەر سێ تەن و 24 کیلۆ و 600 گرامێن ماددەی دا هاتیە گرتن. 629 تەنێن كەلوپەلێن خۆراكییێن دەم ب سەرڤەچووی، دەرمانێن پزیشكی و چاندنێ یێن بێ كوالتی هاتینە ژناڤبرن.
زێدەباری وێ چەندێ، 32 ڕوودانێن خۆ كوشتنێ و 63 ڕوودانێن كوشتنێ هاتینە تۆماركرن و دەست ب سەر 881 پارچێن چەكی دا هاتیە گرتن.
