مەسرور بارزانى سهرۆكێ حکومەتا ههرێما كوردستانێ ئەڤرۆ پێشوازی ل ڤیکتۆریا تەیلەر جێگرا هاریكارێ وەزیرێ دەرڤە یێ ئەمریكا كر.
د كۆمبوونێدا كو ستیڤ بیتنەر، کۆنسۆلێ گشتییێ ئهمريكا ل هەرێمێ و سکۆت بۆلز، هنارتییێ تایبەتێ وەزارەتا دەرڤەیا ئەمریكا بۆ باکوورێ ڕۆژهەلاتا سووریا ئامادە ببوون، ڤیکتۆریا تەیلەر دووپاتی ل گرنگییا ڕۆل و پێگەهێ هەرێمێ وەك هەڤپشكەكا وەلاتێ خۆ كر و پێشڤەبرنا پەیوەندییێن دوولایەنی و بزاڤێن پێكئینانا كابینا نوی یا حكومەتا هەرێمێ و گوهوڕینێن ڕەوشا عیراقێ و سووریا هاتنە گوتۆبێژكرن.
هەردوولا د هەڤڕابوون ل سەر گرنگییا هنارتنا پەتڕۆلا هەرێمێ د زووترین دەمدا ژبەركو د بەرژەوەندییا هەموو لایان دایە و ڕاوەستیانا وێ زیانەكا مەزن ل بودجا گشتییا عیراقێ دایە.
پشكەكا دی یا گوتۆبێژان تایبەت بوو ب پێدڤییا دابینكرنا ماف و شایستێن داراییێن هەرێمێ، ل دور ڤێ چەندێ سەرۆکێ حکومەتێ دووپاتکر كو هەرێما کوردستانێ، هەموو پابەندییێن خۆ د چارچووڤێ بوودجێدا جێبەجێکرینە، لەوما پێدڤییە بەغدا شایستێن داراییێن هەرێمێ وەك قەوارەیەکێ فیدرالی و دەستووری بهنێریت.
Like this:
Like Loading...
