خانەنشینکرنا ژ دایکبوویێن سێ سالان پێکڤە، دبیتە ئەگەرێ سهرهەلدانا قەیرانەکا نوی بۆ هەرێمێ.
بڕیارا ژ نشكهكێ ڤه یا کێمکرنا ژیێ خانهنشینیێ ئاریشه بۆ میلاكێ چهندین وهزارهتان پهیداكریه، ئاژانسا خانی زانییە ل پارێزگهها دهۆكێ ب هزارههان فەرمانبەر بهر ب ڤێ بڕیارێ دكهڤن کو رێڤهبهرێن گشتی ژی تێدانە.
پهروهرده ژ وان وهزارهتانه كو زێدهترین كێشه بۆ دروست دبیت، ژبهر كو بڕیارا حكومهتێ یا ژ نشكهكێ ڤه بوو و قوتابی د وهرزێ دوێ یێ خواندنێ دانه و ب فهرمی پهروهردێ دەنگێ نەرازیبوونێ بلند کریە و داخواز كریه خانهنشینیا ماموستایێن وان بۆ هاڤینێ بهێتە پاشخستن.
ل دویڤ بڕیارا ئهنجوومهنێ وهزیران ئهڤ ساله ژ دایكبوویێن 1962، 1963 و 1964 دێ هێنە خانهنشین کرن.
ئاژانسا خانی زانیە ل ههرێما كوردستانێ زێدهتری 32 هزار فهرمانبهر دێ خانەنشین بن و ل پارێزگەها دهۆکێ سێ هزار و 500 فهرمانبهر بەر دکەڤن كو چەندین رێڤهبهرێن گشتی و پلێن بلند تێدانە.
