نێچیرڤان بارزانی سەرۆكێ هەرێما كوردستانێ، ئەڤرۆ ب هەلكەفتا سالڤەگەڕا شەهیدێن ئێكی شوباتێ، پەیامەك ل هژمارا خۆ یا تۆڕا جڤاكییا ئێكس بەلاڤكر.
دەقێ پەیاما نێچیرڤان بارزانی:
د سالڤەگەڕا شەهیدێن ئێكی شوباتێدا، ب ڕێز و پێزانینڤە سالڤەگەڕا شەهیدێن خۆ دكەین و سەرێ ڕێز و نەوازەشێ بۆ گیانێ وان یێ پاك د چەمینین.
شەهیدێن ئێكی شوباتێ، بوونە هێمایێ خوینا پێكڤەڕشتی یا كوردستانییان ب دەستێ تیرۆرستان كو بێی چ جوداهییەك، گیانێ وێ كۆما سەركردە و تێكۆشەرێن گەلێ مە و وەلاتییێن سڤیل كرە ئارمانج.
پێدڤییە سالانە ڤێ سالڤەگەڕێ و بیرئینانا ڤێ تاوانا تیرۆرستی بكەینە دەرفەتەك بۆ ب خۆداچوونێ و هێڤێنێ موكمكرنا برایەتی و پێكڤەیی و هەڤچارەنوسییا خۆ.
باشترین وەفاداری بۆ گیانێ شەهیدان و ڕاستترین ڕێی ژی بۆ ڕووبڕووبوونا تیرۆرستان، تەنها تەڤاهی و ئێكڕێزییە، هەر ب هندێ ئەم دشێین دەستكەفت و مافێن خۆ ب پارێزین و ئارمانجێن خۆ ب دەستڤەبینین.
سلاڤ ل گیانێ پاكێ شەهیدان و سالڤەگەڕا وان هەردەم ب خێر.
