بارەگایێ بارزانی: سەرۆك بارزانی چ لێدوان ل دۆر پۆستێ سەرۆكوەزیرێن عیراقێ نەداینە

بارەگایێ بارزانی ئەڤرۆ ڕاگەهاندنەك بەلاڤكر و تێدا دیاركر، د چەند پێگەهێن میدیایی و سۆشیال میدیایێدا لێدوانەك ب ناڤێ سەرۆك بارزانی بەلاڤبوویە، تێدا هاتییە كو سەرۆك بارزانی دژی دووبارە دانانا محەمەد شیاع سوودانیە بۆ پۆستێ سەرۆکوەزیرێن عیراقێ.

بارەگایێ بارزانی ئاماژە ب هندێ كر، ڤی بابەتی چ بنەما بۆ نینە و دویرە ژ ڕاستییێ، ئارمانج ژی ژ بەلاڤكرنا ڤان دەنگۆیان تێكدانا وی سەقایێ ئەرێنییە یێ کو د پەیوەندییێن حکومەتا هەرێما كوردستانێ و حکومەتا عیراقا فیدرالدا دروستبووین.