نێچيرڤان بارزانى، سەرۆكێ هەرێما كوردستانێ پەیامەك بەلاڤكر و ڕاگەهاند، پێشوازییێ ل دەنگدانا پەرلەمانێ عیراقێ ل سەر ڕاستڤەكرنا یاسایا بودجا گشتییا فیدرال دكەن و دەستخۆشییێ ل پەرلەمانێ عیراقێ و هەمی وان كەسان یێن د ئامادەکرن و پەسەندکرنا بودجا گشتییا فیدرالدا پشكدار بووین كر.
سەرۆكێ هەرێما كوردستانێ دیاركر، سوپاس و پێزانینێن تایبەت بۆ سەرۆکوەزیران محەمەد شیاع سوودانی کر و گۆت، هەر ژ دەستپێکێ ب دلسۆزانە و ب گیانەکێ نشتیمانی دگەل مە یێ هاریکار بوو، بۆ چارەسەرکرنا بابەتێن بودجە و مووچە و مافێن دارایی یێن هەرێما کوردستانێ، دەستخۆشی ل شاندێ دانوستاندکار و لایەنێن پەیوەندیدار یێن حکومەتا هەرێما کوردستانێ و حکومەتا فیدرال یا عیراقێ كر.
نێچيرڤان بارزانى د پەیاما خۆ دا ڕاگەهاند، ئەڤە پێنگاڤەكا دروستە بۆ بەرژەوەندییا هەمی عیراقێ و هەرێما کوردستانێ، هیڤیدارین ببیتە دەستپێك بۆ چارەسەرکرنا بابەتێن مووچە و مافێن دارایی یێن هەرێما کوردستانێ.
