سەندیكا كرێكاران: بریارا سێ كرێكارێن ناڤخۆ بەرامبەر ئێكێ بیانی، ناهێتە هەلوەشاندن

وەلات ئەمین ئوزمانی سەرۆكێ سەندیكا كرێكاران لقا دهۆكێ بۆ ئاژانسا خانی دیاركر، هەتا نوكە چ كۆمپانییان ب شێوەیەكێ فەرمی داخواز نەكرییە بریارا كاركرنا 75% یا كرێكارێن ناڤخۆ و 25%ێ یا كرێكارێن بیانی ل كۆمپانی و جهێن كاركرنێ بهێتە هەلوەشاندن، ئەگەر داخواز هاتە كرن ژی دێ هێتە ڕەتكرن، ژبەركو ئەڤ بریارە د بەرژەوەندییا گشتییا وەلاتییێن هەرێما كوردستانێدایە.

گوت ژی: ئەو دێ پشتەڤانییا كرێكارێن خۆ كەن، هندی د شیاندابیت دێ دەرفەتا كاركرنێ بۆ وان پەیداكەن، ئەو ڕێژەیا كرێكارێن بیانی یا كو دهێنە وەرگرتن ژی، ب تنێ ئەون یێن تایبەتمەند.