سەرۆکێ هەرێما کوردستانێ پیرۆزباهییا سالیادا دامەزراندنا ئێكەتییا نڤیسەرێن کورد ل هەموو نڤیسەران كر و گۆت: “هه‌رێما كوردستانێ و جڤاكێ كوردستانی ژ هه‌موو دەمەكی پتر پێدڤى ب خامه‌یێ نڤیسه‌ران هەیه.”
ل بیرەوەرییا 55 سالییا دامەزراندنا ئێكەتییا نڤیسەرێن کورد، نێچیرڤان بارزانی، سەرۆکێ هەرێما کوردستانێ رۆژا 10 ی شواتا 2025 ێ” پەیامەكا پیرۆزباهییێ ئاراستەیی نڤیسەرێن کورد کر.
سەرۆکێ هەرێما کوردستانێ گۆت: ب گه‌رمى پيرۆزباهییا بیرەوەرییا 55 سالییا دامه‌زراندنا ئێكەتییا نڤیسه‌رێن كورد، ل هەموو نڤیسه‌رێن كورد ل هه‌ر جهەكێ بن دكه‌م و هيڤییا به‌رده‌واميىا پێشكه‌ڤتن و سه‌ركه‌ڤتنێ بۆ وان دخوازم.”
گۆت ژی “نڤیسه‌رێن كورد هه‌ردەم دلسۆزانه ژ پێخەمەتی پاراستنا ناسناما نه‌ته‌وه‌يى و نيشتمانی یا كورد و كوردستانێ، ئاڤاكرنا جڤاكەكێ هشيار و پێشكه‌ڤتی دا، كار و خزمه‌ت كرینه و زەحمەتەكا زۆر كێشایه.”
نێچیرڤان بارزانی دیار دبێژیت ژی: د قووناغێن بوری دا نڤیسه‌رێن كورد رۆلێ ئه‌رێنی گێڕایه، نوكە د رەوشا ئه‌ڤڕۆ دا، هه‌رێما كوردستانێ و جڤاكێ كوردستانى ژ هه‌موو دەمەكێ پتر پێدڤى ب خامه‌یێ نڤیسه‌ران هەیه كو به‌رپرسانه و ب بير و پره‌نسيپێن جوان، رۆلێ خۆ ل ته‌ڤايى و پێكڤه‌يى و به‌رگريكرنێ ژ ماف و ده‌ستكه‌فتێن كوردستانێ دا بگێرن.”
