پەیڤدارێ رێڤەبەرییا گشتییا بەرهنگاربوونا مادێن هۆشبەر ل هەرێما کوردستانێ راگەهاند، ل چەند حەفتییێن بوری وان دەست ب سەر 51 کیلۆگرامێن مادێ هۆشبەردا گرتییە و 35 بازرگان و فرۆشیارێن وی مادی ژی دەستەسەر کرینە.
ئەڤرۆ ئێكشەمبی” نەقیب ئەرکان بیبانی، د کۆنفرانسەكێ رۆژنامەڤانیدا راگەهاند، ل چەند حەفتییێن بوری وان چەند ئۆپەراسیۆن بۆ بەرهنگاربوونا بازرگانییێ ب مادێن هۆشبەر کرینە و ئەو شیاینە دەست ب سەر 49 کیلۆگرامێن مادێن هۆشبەر ژ جۆرێ کریستال و دو کیلۆگرامێن هیرۆیینی دا بگرن.
