ئەڤرۆ چارشەمبی 19ی شواتا 2025 ێ” ل سەلاحەددین سەرۆك مەسعود بارزانی پێشوازی ل دانیال ڕۆبنستین جێگرێ باڵیۆزێ ئەمریكا ل عێراقێ كر.
رەوشا سیاسی و ئەمنی یا عێراقێ و سوورییێ و داوی پێشهات و گۆهورینێن دەڤەرێ هاتنە بەحسكرن” هەروەها رۆناهی خستە سەر دەرئەنجامێن سەرەدانا شاندێ ئیمرالییێ بۆ هەرێما كوردستانێ و دیدارا دناڤبەرا سەرۆك بارزانی و مەزلووم عەبدی دا.
پەیوەندییێن دناڤبەرا حكومەتا هەرێما كوردستانێ و حكومەتا عێراقا فیدڕالی تەوەرەكێ دیترێ وێ دیدارێ بوو” سەرۆك بارزانی زێدەباری ئاماژەدان ب ڕەفتارێن نەگۆنجایی و ئازاردانا جۆتیارێن كورد ل پارێزگەها كەركووكێ و گۆت” ئەڤ ڕەفتارە دەرخەرێن عەقلیەتا شۆڤینینە و دیمەنێن جینۆسایدا گەلێ مە دئیننە بیرا مە” سەرۆك بارزانی گۆت ژی: پێدڤییە ل عێراقێ د چارچوڤێ دەستووری دا كار ب پڕەنسیپێن شەراكەتێ و تەوازونێ و تەوافوقێ بهێنە كرن.
