مەسرور بارزانی پشته‌ڤانییا خۆ بۆ پرۆسا ئاشتییێ ل توركیا دیاركر

مەسرور بارزانی سەرۆکێ حکومەتا هەرێما کوردستانێ، پێشوازی ل شاندێ ئیمرالییێ دەم پارتی ب سەرۆکایەتیيا هەردوو پەرلەمانتار سری سورەیا ئۆندەر و پەروین بولدان کر، د دیدارا واندا شاندێ ئیمرالی دیاركر، د نوكه‌دا پرۆسه‌یەكا نوو ل توركیا ده‌ستپێكریه‌ و چاره‌سه‌رییا دۆزا كورد بوویه‌ بابه‌ته‌كێ گرنگ و پێدڤى، پشته‌ڤانییا سه‌رۆك بارزانى بۆ پرۆسەیا ئاشتییێ بلند نرخاند.

سەرۆکێ حکومەتا هه‌رێمێ دووپاتی ل گرنگییا مفاوه‌رگرتنێ ژ هه‌ر ده‌لیڤه‌یه‌كێ كو ژ پێخه‌مه‌ت ئاشتى، ئارامییێ و بهێزكرنا پێكڤه‌ژیانا ئاشتیانه‌ و برایه‌تییێ دناڤبه‌را گه‌لێن ده‌ڤه‌رێ و جیهانێ ب گشتى كر.

مەسرور بارزانی پشته‌ڤانییا خۆ بۆ پرۆسەیا ئاشتییێ ل توركیا و دووماهى ئینانا شەرى و توندوتیژییێ دیاركر، ئامادەییا هەرێما کوردستانێ بۆ هەر هاریكارى و هه‌ماهه‌نگییه‌كێ نیشاندا.