ئەڤرۆ دوشەمبی 3ی ئادارا 2025 ێ” ل سەلاحەددین سەرۆك مەسعود بارزانی پێشوازی ل شاندەكێ هەڤپشكێ سێ پارتێن باكورێ كوردستانێ كر” كو پێكهاتبوون ژ مستەفا ئوزچەلیك سەرۆكێ پارتا وەلاتپارێزێن كوردستانێ و بایرام بۆزیەل سەرۆكێ پارتا سوسیالیستا كوردستانێ و دۆزگین كاپلان سەرۆكێ پارتا ماف و ئازادییان و مەسعود تەك جێگری سەرۆكێ پارتا سۆسیالیستا كوردستانێ و محەمەد شرین تەیمور ژ پارتا ماف و ئازادییان.
ب هویری پڕۆسا ئاشتییێ ل توركیا و كاریگەرییێن وێ ل سەر پڕۆسا سیاسی و دۆزا كوردی ل دەڤەرێ هاتنە بەحس كرن و تەكەزی ل سەر پشتەڤانییا پڕۆسا ئاشتییێ و گەهشتنا چارەسەرییێ ل توركیا هاتە كرن.
هەروەسا بەحسێ داوی گوهۆرینێن سیاسی و ئەمنی یێن دەڤەرێ و ب تایبەتی یێن سوورییێ هاتە کرن، و سەرۆك بارزانی رەوش و پاشەرۆژا كوردا و گەف و دەرفەت بۆ شاندێ مێهڤان بەحسكرن.
