نێچیرڤان بارزانی سەرۆکێ هەرێما کوردستانێ ب ههلكهڤتا سالڤهگهرا سهرهلدانێ پیرۆزباهی ل مالباتێن سەربلندێن شەهیدان، پێشمەرگەیێن قارەمان و هەموو گەلێ کوردستانێ ب هەموو پێکهاتەیێن خۆڤە كر و دیاركر، سهرهلدان قۆناغەکا دیرۆکى و چارەنڤیساز و خواستا پۆلایى یا کوردستانییان بوو، د بهرههنگاربوونا دیکتاتۆری و ستەمکارییێدا، گەلێ کوردستانێ ب باوەریەکا بهێز ب دادپەروەریا دۆزا خۆ، ئێكگرتى و ئێكڕێز، ل سەر بنەماییێ ئازادى، ڕێزگرتن و دادپەروەریێ، سهرهلدا و دەرگەهـ ڤەکر بۆ پاشهرۆژهكا نوو، سهرهلدان بەرهەمێ خەباتەکا درێژ و قوربانیدانا مەزن یا پێشمەرگەى و گەلێ کوردستانێ بوو، بەرەڤ چەسپاندنا مافێن ڕەوا د عیراقا نوو دا.
نێچیرڤان بارزانی گۆت ژى، فیدرالى و دەستکەڤتێن دەستوورى و ئامادەبوون و کاریگەریا ئەڤرۆ یا کوردستانێ، بهرههمێ سهرهلدانێ نه، ژبەر هندێ، پاراستنا دەستکەڤتان و مسۆگەرکرنا مافێن نڤشێن پاشەرۆژا مە، ب ئێكرێزى، ئێكگرتى و تێگەهشتنا هەموو هێز و پێکهاتان دێ هێتە کرن. ڕەوشا هەرێمێ و ئالنگاریێن ناڤخۆیى و دەرەکى، ژ هەمووان دخوازن کو ب گیانێ بەرپرسیاریەتا هەڤپشك کار بکەن، ژ وانێن بوورى فێر ببین و بەرژەوەندیێن گشتى یێن گەلێ خۆ ب پارێزین.
