بزاڤ دهێنە كرن د نێزیکترین دەمدا لیستا موچەیێ هەیڤا ئادارێ بۆ بەغدا بهێتە هنارتن

وەزارەتا دارایی ب نڤیسارەكێ چار خال بۆ وەزارەت و فەرمانگەهان دەربارەیی ئامادەکرنا لیستا موچەیی دەرکرن.

ئێك: ب چ رەنگان چ کەس د لیستا موچەیی دا نەهێتە زێدە کرن ب ئەگەرێ هندێ كو کەسوکارێ شەهیدییە، یان هاتییە ژ بیرکرن، یان هەر هۆکارەكێ دیتر.

دو: پێدڤییە رۆنکرنەک ب عەرەبی یا پەسندکری بهێتە ڕەوانە كرن، کو تێدا ب تەمامی ئاماژە ب هووركارییان بهێتەدان، بۆ نموونە چەند کەس خانەنشین بووینە، یان د مۆلەتێدانە، یان هەر حالەتەكێ دیتر.

سێ: چ گۆهورین د لیستا موچەییدا نەهێتە کرن، هەیڤا دو دێ بیتە بنەما.

چار: بتنێ مۆلەتێن بێ مووچە ئەگەر هەبن ل دەمێ دەست بکاربوونا وان بهێنە زێدە كرن.