دووشەمبی 17ــی ئادارا 2025ــێ، د. دیندار زێباری، ڕێکخەرێ هنارتییێ نێڤدەولەتییان، سەرپەرشتییا کۆمبوونەکا بەرفرەهــ دگەل نوونەرێن سازییێن پەیوەندیدار یێن حکومەتا هەرێمێ و ئەندرێ پاترسۆن، پسپۆرێ جێبەجێکار یێ بەرهەنگاربوونا ماددەیێن هشبەر ل نڤیسینگەها نەتەوەیێن ئێکگرتی و ماددەیێن هشبەر (UNODC) کر.
د کۆمبوونێدا ڕۆناهی خستە سەر دووماهی بزاڤێن حکومەتا هەرێمێ بۆ بەرهەنگاربوونا بازرگانیکرن و بکارئینانا ماددەیێن هشبەر، هەروەسا هەماهەنگییا دناڤبەرا سازییێن حکومەتێ دا د ئەڤی بواری دا.
ڕێکخەرێ هنارتییێ نێڤدەولەتییان، د چوارچووڤەیێ کۆمبوونێدا ڕاگەهاند:”حکومەتا هەرێما کوردستانێ د بەرهەنگاربوونا ماددەیێن هشبەر دا یا بەردەوامە، بەلێ پێدڤی ب هاریکارییا نێڤدەولەتی ژی هەیە، ب تایبەتی ژی ئاژانسێن نەتەوەیێن ئێکگرتی و ئەو وەلاتێ کو هاریکارییا عیراقێ دکەن”.
ژ لایێ خۆڤە، ئەندرێ پاترسۆن، پسپۆڕێ جێبەجێکار یێ بەرهەنگاربوونا ماددەیێن هشبەر ل نڤیسینگەها نەتەوەیێن ئێکگرتی بۆ تاوان و ماددەیێن هشبەر (UNODC) ڕاگەهاند:”کەنەدا پرۆژەیەک ئامادەکریە بۆ هاریکاریکرنا حکومەتا هەرێمێ، بۆ ئەڤێ مەرەمێ ژی بزاڤان دکەن د بوارێ چارەسەرکرنا تووشبوویان دا و بەرهەنگاربوونا ماددەیێن هشبەر دا مفای ژ مەشق و ڕاهێنانێن لایەنێن پەیوەندیدار یێن حکومەتا هەرێمێ وەربرن.
ل دووماهییا کۆمبوونێ، هەردوولا ڕێککەڤتن سێ تیم بهێنە پێکئینان بۆ کۆمکرنا داتا و زانیاری و شروڤەکارییا، دگەل بهێزخستنا شیانان ل تەکنیکا ڤەکۆلینێ و تیمێ شروڤەکارییا تاوانکاری بۆ بجهئینانا پڕۆژەیێ هاریکارییا وەلاتێ کەنەدا ل هەرێمێ.
