ئەڤرۆ سێشەمبی 18ی ئادارا 2025 ێ” ل سەلاحەددین سەرۆك مەسعود بارزانی پێشوازی ل حەسەن توران سەرۆكێ بەرەیێ توركمانییێ عێراقی كر.
د وێ دیدارێ دا بەحسێ پڕۆسا سیاسییا عێراقێ و رەوشا پارێزگەها كەركووكێ هاتە كرن و تەكەزی ل سەر هەماهەنگی و نێزیكییا دناڤبەرا لایەنێن سیاسی یێن پارێزگەها كەركووكێ هاتە كرن، ئەو ژی ژ پێخەمەتی كوورتركرنا پێكڤەژیانێ و سەقامگیرییێ و پێشكێشكرنا خزمەتگوزارییا بۆ خەلكێ پارێزگەها كەركووكێ.
