د ئەڤسالەدا كۆنسۆلخانا مەزن یا ئەمریكا دێ ل هەولێرێ هێتە ڤەكرن

بڕیارە د ئەڤسالەدا ب ئامادەبوونا بەرپرسێن بلند یێن وی وەلاتی، كۆنسۆلخانا مەزن یا ئەمریكا ل هەولێرێ بهێتە ڤەكرن.

كارۆخ خۆشناو، سەرۆكێ ئینستێتیوتا ڤەكۆلینێن ئەمریكی – كوردی ڕاگەهاند، ” ڤەكرنا كۆنسۆلخانا ئەمریكا دیاركەرێ وێ ڕاستییێ یە كو هەرێم ژ روویێ دبلۆماسیڤە بەردەوام گەشەدكەت و هەڤپەیمانەكا ستراتیژییا ئەمریكایە و ئەو وەلاتە ب هیچ ڕەنگەكی دەستبەرداری هەرێما كوردستانێ نابیت. ”
دهێتە زانین، ویلایەتێن ئێكگرتییێن ئەمریكا ل سالا 2007 نڤیسینگەها خۆ یا دبلۆماسی ل هەولێرێ ڤەكر، ل سالا 2011 پەیوەندییێن خۆ دگەل هەرێمێ بهێزتركرن و كۆنسولخانا گشتییا ئەمریكا ڤەكر، بڕیارە د ئەڤسالەدا كۆنسۆلخانا خۆ یا مەزن كو ژ بالیۆزخانێن گەلەك وەلاتێن دی مەزنترە، ڤەكەت.