نێچیرڤان بارزانی سەرۆکێ هەرێما کوردستانێ د پەیامەکێدا ب ههلكهفتا سەرێ سالا نوو یا 6775 یا بابلی، ئاشووری و جەژنێن ئەکیتۆ، گەرمترین پیرۆزباهی پێشکێشی وهلاتییێن کلدان و ئاشووری و سریان ل کوردستانێ و عیراقێ و سەرانسەرى جیهانێ کر و گۆت: هیڤیدارم جەژن و بهێنڤهدانهكا خۆش و ئارام دەرباز بکەن.
نێچیرڤان بارزانی دیاركر، جەژنا ئەکیتۆ ههلكهفتهكا دیرۆكى و دێرینا شارستانییا بهادارییە، کۆیراتیا ڕەهێن کەلتووری و مرۆڤی یێن ئێك ژ دێرینترین پێکهاتهیێن دەڤەرا مە نیشان ددەت پشكدارى د دروستکرنا شارستانیەتێن دەڤەرێ و پاراستنا فرەرەنگیا وێ دا کریە.
سەرۆکێ هەرێما کوردستانێ دووپات ل سەر پابەندبوونا هەردەم ب پاراستنا ماف و ئازادیان، پێشڤەبرنا کەلتوورێ فرەرەنگی، پێکڤەژیانا ئاشتییانە، لێبوورین و ئێكدوو قەبوولکرن د ناڤبەرا هەمی پێکهاتێن ئایینی و نەتەوەیی یێن کوردستانێدا كر.
نێچیرڤان بارزانی سەرۆکێ هەرێما کوردستانێ ڕاگههاند، جەژنا ئەکیتۆ بلا دەرفەتەکا نوو بیت بۆ موکمکرن و بهێزکرنا خۆشتڤی و ژیانا هەڤپشك و ڕێزگرتنا ئێكدوو د ناڤبەرا هەمی پێکهاتێن گەلێ کوردستانێدا، هەروەسا ببیتە ژێدەرێ هیڤییهكێ بۆ داهاتییەکێ باشتر یێ تژی گەشەسەندن و ئارامی و مفاى بۆ هەمییان. جەژنا ئەکیتۆ ل هەمی ئالیان پیرۆز بیت، هەمی سال ب خۆشی.
