نێچیرڤان بارزانی سەرۆکێ هەرێما کوردستانێ پهیامهك بهلاڤكر و ڕاگههاند، د ڕۆژهكا وهك ئهڤرۆدا زێدهترى 182 هزار زارۆك و ژن و زهلامێن گهلێ كوردستانێ بوونه قوربانى، د دیرۆكێدا ئهنفال درندهترین تاوانا جینۆسایدێ بوو كو ههتا نوكه كاریگهرى و ئازارێن وێ ماینه، د ڤێ ڕۆژێدا شههیدێن ئهنفالكرى ب بیر دئینین
سەرۆکێ هەرێما کوردستانێ دیاركر، پێدڤییه بڕیارا دادگهها بلندا تاوانێن عیراقێ بجهبینین كو ئهنفال وهك جینۆساید و تاوانێن دژى مرۆڤایهتییێ هاتیه نیاسین و حكومهتا عیراقێ بهرپرسیارهتییا یاسایى د قهرهبووكرنا كهسوكارێن ئهنفالكریاندا ههیه.
نێچیرڤان بارزانی دووپاتكر، ههموو لایهنێن پهیوهندیدار یێن ههرێمێ بۆ پێشكێشكرنا پشتهڤانییێ و چاڤدێرێن خێزانێن شههیدان كار دكهن و دێ بهردهوام بن د بزاڤهكرنێ بۆ بدهستڤهئینانا دانپێدانێن نیڤدهولهتییا تهمام.
سەرۆکێ هەرێما کوردستانێ دووپاتى ل ئێكرێزى و پێكڤهییێ بۆ پاراستنا مافێن دهستوورى و بنیاتدانانا داهاتییهكێ باشتر یێ تژى ژ دادپهروهرى و ئاشتییێ بۆ گهلێ كوردستانێ كر.
