سەرۆك بارزانی: کیمیابارانکرنا بالیسان و شێخ وەسانان و دۆلا خۆشناوەتی هێمایێ خۆڕاگرییا گەلێ مەیە

سەرۆك بارزانی د 38 سالڤەگەرا تاوانا کیمیابارانکرنا بالیسان و شێخ وەسانان و دۆلا خۆشناوەتیدا د هژمارا خۆ یا تۆڕا جڤاكییا ئێكسدا، پەیامەك بەلاڤكر.

دەقێ پەیاما سەرۆك بارزانی:
” د 38مین سالڤەگەرا تاوانا کیمیابارانکرنا بالیسان و شێخ وەسانان و دۆلا خۆشناوەتی ژلایێ ڕژێما پێشتر یا عیراقێڤە، سلاڤ بۆ گیانێ پاك یێ شەهیدێن وێ تاوانێ و گشت شەهیدێن کوردستانێ.
ئەڤ ڕوودانا دلتەزین بەلگەیەكێ دییە ژ دڕەندەییا نەحەزێن کوردستانێ و هێمایێ ئیرادە و خۆڕاگرییا گەلێ مە بەرامبەر زۆلم و داگیرکرنێ.”