نێچيرڤان بارزانى سهرۆكێ ههرێما كوردستانێ پهیامهك ل دۆر سالڤهگهڕا ئاڤاكرنا بنگههێ لالش يێ ڕهوشهنبيرى بهلاڤكر.
دهقێ پهیاما سهرۆكێ ههرێما كوردستانێ؛
سالڤهگهڕا (32)ێ يا ئاڤاكرنا بنگههێ لالش يێ ڕهوشهنبيرى، ب گهرمى ل ههموو خوشك و برايێن ئێزدى پيرۆز دكهم. كار و خزمهت و بهرههمێن بنگههێ لالش، ب ڕێز و پێزانين د نرخينم. دهستخۆشيیێ ل تيما ڕێڤهبهرى و ههمى كارمهندێن بنگههى دكهم. هيڤيا سهركهڤتنا بهردهوام بۆ وان دخازم.
د ڤێ بيرهاتنێدا ديسا تهكهزییێ ل سهر ههموو پشتهڤانیيا خۆ بۆ كار و چالاكیيێن بنگههێ لالش دكهم. وهك ههردهم دێ هاريكار بم دا يێ بهردهوام بيت و وهك كانييهكا زهلال كو دهوڕته د ڕووبارێ ڕهوشهنبيرييا كورديدا، خزمهتهكا باشتر يا ڕهوشهنبيريا كوردى و ب تايبهتى ئێزدياتيیێ بكهت.
ههر دڤێ ههلكهڤتنێدا خوشك و برايێن خۆ يێن ئێزدى و ههموو پێكهاتێن كوردستانێ ژ ههر ئۆل و نهتهوهيهكێ بن، پشتڕاست دكهم كو ههردهم دێ پشتهڤان و پارێرڤانێن مافێن وان بم و كوردستان بۆ مه ههموویان دێ ههر مينيت وهلاتێ پڕڕهنگى و ههڤقهبوولكرنێ و پێكڤهژيانا ئاشتيانه.
