<h3>ئەڤرۆ ناڤ تۆماركرن بۆ سەر سندوقێن دەنگانێ ل هەلبژارتنێن پەرلەمانێ عیراقێ دێ دەستپێكەت، بهرپرسێ ئۆفیسا دهۆك یا كۆمیسیۆنا عیراقێ دیاركر، ل دهۆكێ ئەو پێدڤی ب زێدەتری 10 هزار كەسانە بۆ سەر سندوقێن دەنگدانێ. خالد عهباس بهرپرسێ ئۆفیسا دهۆك یا كۆمیسیۆنا بلندا سهربهخۆیا ههلبژارتنێن عیراقێ بۆ ئاژانسا خانى ڕاگههاند، ئهڤرۆ ژلایێ كۆمیسیۆنا عیراقێڤە لینکێ پێشکێشکرنا داخوازییێ بۆ کارمەندبوونا سەر سندوقێن دەنگدانێ دێ هێتە کاراکرن و دێ بۆ دهمێ ههیڤهكێ یێ بهردهوام بیت، ل پارێزگهها دهۆكێ ئەو پێدڤی ب زێدەتری 10 هزار كەسانە. خالد عهباس دیاركر، داخوازكهرێ پێشکێشکرنا كۆمیسیۆنێ پێدڤییه قوتابى، یان فهرمانبهر یان دهرچوویێ زانكۆ و پهیمانگههێ بیت، ژییێ وى ژ 19 سالییێ كێمتر نهبیت و ژ 55 سالییێ زێدهتر نهبیت، چ ئاریشهیێن قانوونی نهبن، ژلایێ كۆمیسیۆنێڤه نههاتینه سزادان و ناسیارێ چ بهربژێران نهبیت. سەبارەت پارەیێ ڕۆژا دەنگدانێ ئاشكراكر، فهرمانبهر دێ 150 هزار دیناران وهرگرن، قوتابى و دهرچوویێن زانكۆ و پهیمانگههان دێ 250 هزار دیناران وهرگرن.</h3>
