گه‌شتوگوزارا هه‌رێمێ: پێشبینى دكه‌ین بۆ جەژنێ زێده‌تری 300 هزار گه‌شتیار سه‌ره‌دانا كوردستانێ بكه‌ن

په‌یڤدارێ ده‌سته‌یا گه‌شتوگوزارا هه‌رێمێ دیاركر، ئه‌و پێشبینى دكه‌ن زێده‌تر ژ 300 هزار گه‌شتیاران سه‌ره‌دانا هه‌رێما كوردستانێ بكه‌ن.

ئیبراهیم عەبدولمەجید، په‌یڤدارێ ده‌سته‌یا گه‌شتوگوزارا هه‌رێما کوردستان بۆ ئاژانسا خانى ڕاگه‌هاند، هه‌موو ئاماده‌كارى بۆ هاتنا گه‌شتیاران د ڕۆژێن جه‌ژنا قوربانێدا هاتینه‌ كرن و ئه‌و پێشبینییا هاتنا زێده‌ترى 300 هزار گه‌شتیاران بۆ هه‌رێما كوردستانێ دكه‌ن.

ئیبراهیم عەبدولمەجید ئاماژه‌ ب هندێ كر، چه‌ند لژنه‌ ل سه‌ر ئاستێ ڕێڤه‌به‌ریێن گشتى یێن وان هاتینه‌ پێكئینان، ژ نێزیك ئاگه‌هدارى ڕه‌وشا گه‌شتیاران بن و هێلێن په‌یوه‌ندییان بۆ هه‌ر ڕویدانه‌كا نه‌چاڤه‌ڕێكرى هاتینه‌ دانان و گه‌شتیار دشێن په‌یوه‌ندییێ ب وان بكه‌ن.