وه‌زاره‌تا ساخله‌مییێ بۆ نه‌خۆشخانه‌یان: ل ڕۆژێن جه‌ژنێ ب هه‌موو شێوه‌یان د ئاماده‌بن

وه‌زاره‌تا ساخله‌مییا حكومه‌تا هه‌رێما كوردستانێ ڕێنماییێن ڕۆژێن جه‌ژنا قوربانێ بۆ ڕێڤه‌به‌رییێن نه‌خۆشخانه‌یان به‌لاڤكرن.
ڕێنماییێن ڕۆژێن جه‌ژنا قوربانێ؛
1. ⁠دانانا لژنه‌كا دویڤچوونێ ل هه‌موو ڕێڤه‌به‌رییێن گشتى و نه‌خۆشخانان.
2.⁠ ⁠بۆ هەر كاره‌كێ پێدڤى و ژنشكه‌كێڤه‌ پێدڤییه‌ هێلا گه‌رم یا په‌یوه‌ندییان هه‌بیت.
3. د ده‌مێ پێدڤیدا كوگه‌هێن ده‌رمان و پێدڤییێن پزیشكى و تاقیگه‌هـ ل هه‌موو پارێزگه‌هان د ڤه‌كرى بن.

4. ⁠پابەندبوونا پزیشکێن بسپۆر و پەرستار و کارمەندێن ساخله‌مییێ ب ده‌وامێ.
5. هاتنا ڕاگه‌هاندنێ ب تنێ دێ ب ڕێیا ڕاگه‌هاندنا ڕێڤه‌به‌رییان بیت.
6. ⁠ئامارێن ڕۆژانە دڤێت د ده‌مێ 24 ده‌مژمێراندا بۆ ڕێڤه‌به‌رییێن گشتى بهێنه‌ هنارتن.
7. ڕۆژانه‌ فۆرما تایبه‌ت بۆ ئاماران بهێته‌ هنارتن.

⁠ 8. ئاماده‌باشى بۆ ئه‌مبۆلانس و دابینكرنا گاز و په‌نزینێ بهێته‌كرن.
9. دویڤچوونا به‌رده‌وام بۆ پاقژكه‌ر و دابینكرنا خوارنێ بهێته‌كرن.
10. هێلێن ته‌له‌فونێ، به‌رپرس ل هه‌موو پشكان د ڤه‌كرى بن.
11. نه‌خۆشخانه‌یێن هه‌واهاتنێ د زه‌كرى بن و هه‌موو سه‌ره‌دان بهێنه‌ تۆماركرن.
12. سه‌نته‌رێن وه‌رگرتنا چاره‌سه‌رییێن كیمیایى بۆ نه‌خۆشێن په‌نجه‌شێرێ د ڤه‌كرى بن.
13. سه‌نته‌رێن شویشتنا گولچیسكان د ڤه‌كرى بن.
14. تیمێن هه‌وارهاتنێ و هێلا 122 د 24 ده‌مژمێراندا به‌رده‌وام بن.
15. خزمه‌تگوزارییێن بانكا خوینێ 24 ده‌مژمێران د ڤه‌كرى بن.
16. تیمێن پشكنینێن ئاڤا ڤه‌خوارنا مالان و نه‌خۆشییێن ڤه‌گوهاستى به‌رده‌وام د كاریدا بن.
17. تیمێن ساخله‌مییێ ب هه‌ماهه‌نگى تیمێن ڤیته‌رنه‌رى چاڤدێرییا جهێن سه‌ربڕینا گیانه‌وه‌ران بكه‌ن .
18. دویڤچوونا ڕێنماییێن تایبه‌ت بۆ كونترۆلكرنا نه‌خۆشییێن تایا خوینبه‌ربوونێ بهێته‌ كرن.
19. پێشكێشكرنا خزمه‌تگوزارییێن ساخله‌مییێ بۆ ئاواره‌یان ل كه‌مپان به‌رده‌وام بن.
20. تیمێن ساخله‌مییێ ل جهێن گه‌شتیارى بۆ پێشكێشكرنا خزمه‌تگوزارییێن ساخله‌مییێ بهێنه‌ دانان.