ل عیراقێ، بازێن سیاسەتێ ب نهێنی و ڤەشارتی کارێن خۆ دکەن، ب تنێ سیاسەتا دروست ل عیراقێ دکەن

ل عیراقێ، بازێن سیاسەتێ ب نهێنی و ڤەشارتی کارێن خۆ دکەن، ب تنێ سیاسەتا دروست ل عیراقێ دکەن.
پەیامەك بۆ قەیس غەز عەلی
_کەسێن بچووك و بێ دەسهەلات هەردەم د بن لنگێن مەزناندا دهێنە پێپەسکرن،
_گورگێن دەڤ ب خوین حوکمدارییا ڕاست دکەن و سیاسەتێ دگێڕن ب ڕێیێن نە دروست…
_ئەوێن گەفان دکەن وەکو کەلاغان ب تنێ قاڕەقاڕا وایە، کارێ وان ب تنێ خۆنیشاندان و قیژی و قاژینە، وەکو قازاوعەلوکانە و ئاستێ سیاسەتکرنا وان ژ دەنگڤەدانا شکەفتەکێ نە پترە.

“خوویشك و برایێن هێژا،
ئەڤرۆ، ل بەر سیبەرا گوهۆڕینێن مەزن یێن ل دەڤەرا مە، پێدڤییە ئەم ب هشیاری و وریایی ل ڕەوشا سیاسییا عێراقێ بنێڕین.
ل عێراقێ، دیمەنێ سیاسی یێ ئالۆزە، بازێن سیاسەتێ، ب شێوەیەکێ نهێنی و ڤەشارتی، کارێن خۆ دکەن.
_ ئەڤ یەکە دبیتە ئەگەرێ هندێ کو گەلەك جاران خەلك نەشارەزا ب ڕاستی چ دقەومیت د ناڤ کۆریدۆرێن دەستهەلاتێدا.

د ڤێ سیستەمیدا، کەسێن بچووك و بێ دەستهەلات، نەخاسمە ئەوێن ژ کەمینەیان، هەردەم د بن لنگێن مەزناندا دهێنە پێپەسکرن، مافێن وان دهێنە پشتگوهـ ئێخستن و دەنگێ وان ناهێتە بهیستن، ئەڤ یەکە دژی پرەنسیپێن دیموکراسییێ و دادپەروەرییێ یە کو مە سۆز دابوو پێ ڕابین پشتی ڕوخاندنا ڕژێما بەعس.

د هەمان دەم دا، هندەك هێز هەنە کو ب شێوەیەکێ هۆڤانە دەستهەلاتێ دگرن، ئەڤ ‘گورگێن دەڤ ب خوین’ حوکمدارییێ دكەن و ب رێیێن نە دروست سیاسەتێ دگێڕن كو ژ کومەکا فەلیتانە حوكمی ل دەستهەلاتا عێراقێ دکەن، ئەو ب زۆرداری و گەندەلییێ خۆ ل سەر کورسیێن دەستهەلاتێ دپارێزن، بێ کو گوهـ بدەنە پێدڤیێن گەلی و پێشڤەچوونا وەلاتی.

ژ لایەکێ دی ڤە، هندەك گرۆپ و کەس هەنە هەڕەشەیێن مەزن دکەن، لێ د ڕاستیدا دا کارێن وان ژ دەنگڤەدانەکێ پتر نینن، وەکی کەلاغان، دەنگێ وان بلندە لێ کریارێن وان کێمن. کارێ وان تەنێ خۆنیشاندان و قیژی و قاژییا وان وەکو قاز وعەلوکانە، بێی کو تشتەکێ بکەن.
لێ دگەل ڤێ یەکێ ژی، دڤێت ئەم ژبیر نەکەین هەرێما کوردستانێ د ناڤ دەڤەرەکا نەسەقامگیردایە و ڕەوشا ئێراقێ و دەڤەرێ گەلەك مەترسی ل سەر، دڤێت لایەنێن ئوپۆزیسیۆن پێداچون د سیاسەتا خودا بکەن بە شداری کۆمبوونێن لایەنێن سیاسیدا بکەن ئەڤە دبیتە ئەگەرێ هندێ هێزێن سیاسی یێن کوردی یەکگرتی بمینن، سەرەڕای ناکۆکیێن خۆ یێن ناڤخۆیی.

_ئاخفتنێت قەیس غەز عەلی ل سەر هەرێما کوردستانێ نیشانا تەنگاڤبوونا ڕەوشا سیاسییا عێراقێنە، ئەڤ جۆرە گوتارێن توند بیت بیتە ئەگەرێ زێدەبوونا ئالۆزییان…

دڤێت هەرێم هەڤپەیمانیێن خۆ یێن ناڤخۆیی و نێڤدەولەتی بکاربینیت دا کو فشارێ ل سەر لایەنێن توندرەو یێن عێراقێ بكەت، لایەنێن توندڕەو ژسەرکردێن وان ژ کۆمەکا فەلیتانە حكومرانییێ ل عێراقێ دکەن.

د هەمان دەمدا، گرنگە هەرێم خۆ ژ هەر کریارەکا پرۆڤۆکاتیڤ دووربێخیت و هەول بدەت رێیێن دیالۆگ و چارەسەرییێن ئاشتیانە بکاربینیت، پێدڤییە هەرێم بەردەوام گرنگییێ بدەتە پاراستناسەقامگیرییێ و ئەمنیەتێ، نە ب تنێ بۆ خۆ، لێ بۆ هەموو عێراقێ ژی.
هەروەسا، دڤێت هەرێم هەول بدەت پشتەڤانییا جڤاکێ نێڤدەولەتی بۆ مافێن خۆ یێن دەستووری بدەستڤە بینیت و گرنگییا ڕۆلێ خۆ د شەڕێ دژی تیرۆرێدا دیاربکەت ئەڤ یەکە دێ هاریکارییا هەرێمێ کەت.
_هەر دیسان ئەڤ ڕەوشە دیاردکەت، پێدڤییە هەرێما کوردستانێ و حکومەتا فیدرال یا عێراقێ پێکڤە کاربکەن داکو چارەسەرییەکا درێژخایەن بۆ ناکۆکییێن خۆ پەیدا بکەن و یەکگرتنا عێراقێ بپارێزین.
د داویێدا، دڤێت ئەم بێژین: رەوشا سیاسییا عێراقێ گەلەك ئالۆزە نابێت ئێراق بەرەکی دی شەری دروست بکەت، مەبەست بەری کورد و پێدڤی ب چارەسەریێن نووو بیرەکا ڤەکری هەیە، پێدڤییە هەموو لایەن ئێكبگرن، ئێراقێ دووربێخێن ژ شەرێ دهێتە ڕوودان ل دەڤەرێ ئەڤە دێ بیتە ئەگەرێ سەقامگێرییا ئێراقێ و دەڤەرێ ب گشتی.
دلشاد عبدالله بەرواری
پارێزەر و شیرەتكارێ قانوونی