<h2>ل شەڤا بووری نێچيرڤان بارزانى، سهرۆكێ ههرێما كوردستانێ و عهباس عیراقچى، وهزيرێ دهرڤه یێ كۆمارا ئيسلاميیا ئیرانێ ب ڕێیا پەیوەندییەكا تلەفۆنی دگەل ئێك ئاخڤتن، تێدا دووماهی پێشهاتێن ئۆپهڕاسيۆن و ڕووبڕووبوونێن سهربازييێن ئیران و ئسڕائيلێ و كارتێكرن و دەرئەنجامێن وێ ل سەر دەڤەرێ، هاتنە گوتوبێژكرن. ههردوولا ل سهر گرنگيیا پاراستنا ئارامی و دوورخستنا دەڤەرێ ژ ئالۆزيیێن زێدەتر د هەڤڕابوون، دووپاتكر كو پێدڤییە كۆمەلگەها نێڤدەولەتی ڕۆلێ خۆ بگێڕێت بۆ ڕاوهستاندنا كریارێن سهربازی و چارهسهركرنا ئاشتييانه یا ناكۆكييان. د پشكەكا دی دا، ههردوولا تيشك ئێخستە سەر ڕێككهفتنا ئهمنيیا دناڤبەرا عیراقێ و ئیرانێ دا و نێچیرڤان بارزانی، پابهنديیا ههرێمێ ب ڕێككهفتنێ، دووپاتكر.</h2>
