ئەلمۆنیتەر: هنارتییێ سەرۆکێ ئەمریکا بۆ سوورییێ دێ ل گەل مەسرور بارزانی کۆمبیت

پێگەهێ ئەلمۆنیتەر یێ ئەمریکی دیار کر: ل چەند ڕۆژێن بهێن هنارتییێ سەرۆکێ ئەمریکا بۆ کاروبارێن سوورییێ، دێ سەرەدانا هەولێرێ كەت و دێ ل گەل سەرۆکوەزیران مەسرور بارزانی کۆمبیت.

هەروەسا گۆتییە: بڕیارە مەسرور بارزانی، سەرۆکێ حکومەتا هەرێما کوردستانێ ل گەل تۆم باراک، هنارتییێ تایبەتێ سەرۆکێ ئەمریکا بۆ کاروبارێن سوورییێ کۆمببیت، رەوشا سوورییێ و پێشهاتێن وی وەلاتی و پرسا کوردان ل ڕۆژئاڤایێ کوردستانێ دێ هێتە بەحسكرن و هەر د وێ سەردانێدا بۆ هەولێرێ، ئەگەر هەیە، باراک ل گەل مەزلوم عەبدی، فەرماندێ گشتیێ هێزێن سوورییا دیموكرات کۆمببیت.

سەرەدانا تۆم باراک بۆ هەولێرێ دێ بیتە سەرەدانا ئێكێ بۆ هەرێما کوردستانێ، ل گەل سەرۆکوەزیران، مەسرور بارزانی کۆمببیت، دهێتە چاڤەرێ كرن د وێ کۆمبوونێدا سەرۆکوەزیران، مەسرور بارزانی داخوازێ ژ هنارتییێ تایبەتێ سەرۆکێ ئەمریکا بۆ سوورییێ بکەت، رێزێ ل ماف و داخوازییێن کوردێن ڕۆژئاڤایێ کوردستانێ بگرن.