سەرۆکێ دەستەیا وەبەرهێنانێ ل هەرێما کوردستانێ ب گەشبینیڤە بەرێ خۆ ددەتە وەبەرهێنانا نیڤا ئێكێ یا ئەڤ سالە و دیاردكەت” كو ب بهایێ پتر ژ ملیارەک و 254 ملیۆن دۆلاران د سێکتەرێن جودا دا وەبەرهێنان ل هەرێمێ هاتییە كرن.
د. محەمەد شوکری، سەرۆکێ دەستەیا وەبەرهێنانێ ل حكومەتا هەرێما كوردستانێ ئەو ژی گۆت: ئامارێن نیڤا ئێكێ یا سالا 2025 ێ، دلخۆشکەرن د بیاڤێن دروستکرنا پڕۆژێن نوو ل سەرانسەری هەرێما کوردستانێ و ل شەش هەیڤان دا ل سێکتەرێن جودا دا وەکو پەروەردە، وەرزش، چاندن، گەشتیاری، ئاكنجیبوون و بازرگانی، وان مولەتدابە 79 پرۆژێن وەبەرهێنانێ.
هەروەسا گۆت ژی: ژ سەرجەمێ ئەوان 79 پرۆژێن مۆلەت پێ هاتییە دان، ب كوژمێ ملیارەک و 254 ملیۆن و 385 هزار و 369 دۆلاران وەبەرهێنان تێدا هاتییە کرن، دناڤا وان دا 28 پرۆژێن بازرگانی هەنە و بهایێ وەبەرهێنانا وان 220 ملیۆن و471 هزارو 330 دۆلارن.
د. محەمەد شوکری دیاركر ژی: دەستەیا وەبەرهێنانێ پتر بزاڤان دكەت بۆ خزمەتكرنا وەلاتییان، بۆ ڤێ مەرەمێ ژی ئاسانکاری و رێگەپێدانێ بۆ دروستکرنا پرۆژێن گرنگ و ب مفا زێدە دکەن.
