راگەهاندنا کۆمبوونا هەڤپشکا مەکتەبا سیاسییا پارتی دیموکراتی کوردستان و ئێکەتییا نیشتمانی کوردستان
ئەڤرۆ ١٤ی تیرمەها ٢٠٢٥ێ، سەرۆک مەسعود بارزانی پێشوازی ل بافل تاڵەبانی سەرۆکێ ئێکەتییا نیشتمانییا کوردستانی و شاندێ ل گەل دا کر و كۆمبوونا هەردو مەكتەبێن سیاسی یێن ئێكەتییا نیشتمانییا کوردستانی و پارتی دیموکراتی کوردستان هاتە ئەنجامدان.
دەربارەیی روودان و پێشهات و کێشە و گرفتێن هەرێما کوردستانێ و حکومەتا فیدرالی ب تایبەتی مافێن دارایی و موچێن فەرمانبەرێن هەرێما کوردستانێ، پشتی دانوستاندن و لێكگۆهارتنا بیر و بۆچوونان و شرۆڤەکرنا هەمی ئالییان ژ لایێ سیاسی و ئابۆری و جڤاکی، هەردو ئالی هەڤدەنگبوون کو هەمی بزاڤ بهێنە چڕکرن بۆ چارەسەرکرنا کێشە و دابینکرنا موچە و مافێن دارایی یێن هەرێما کوردستانێ و تەمامییا وان گاڤێن پێدڤی د چارچوڤێ دەستوورێ دا ب ئاراستا چارەسەرکرنێ ب هەماهەنگییا هەردو لایان بهێنە هاڤێتن.
پشكەکا دییا كۆمبوونێ هاتە تەرخانکرن بۆ زێدەتر تێگەهشتنا پەیوەندییا پارتی و ئێكەتییێ داکو ئاستەنگ و تەحەدییان دەرباز بکەین و پاراستنا قەوارێ هەرێما کوردستانێ و دەستکەفتێن وێ بکەین.
كۆمبوونێ تەكەزی ل سەر ئێکگرتنا هەلویستێ هەمی لایەنێن سیاسی یێن کوردستانی و عیراقێ کر کو هاریکار و پشتەڤان بن د چارەسەرکرنا ڤێ کێشێ دا.
