سێ ئێكەمێن زانكۆیێن دەڤەرێن ئاریشە ل سەر، دێ هێنە دامەزراندن

وەزارەتا خواندنا بلند و ڤەكۆلینێن زانستی ل حكومەتا هەرێما كوردستانێ ڕاگەهاند، ئەڤرۆ پرۆسەیا پێشكێشكرنا داخوازییان بۆ دامەزراندنێ ل سەر میلاكێ حكومەتا فیدرالی بۆ سێ ئێكەمێن زانكۆیێن هەرێما كوردستانێ و ئاكنجییێن دەڤەرێن ئاریشە ل سەر، دەستپێكر.
ئەڤ بریارە ژ ئەڤان كەسان دگریت:
* سێ ئێكەمێن سەر ئاستێ كۆلیژ/ بەشێن وان.
* هەلگرێن باوەرنامەیێن بلند ( ماستەرو دكتۆرا ).
مەرجێ سەرەكی بۆ مفا وەرگرتنێ ژ ڤێ دەرفەتێ ئەوە، داخوازكەر دەرچوویێ ئێك ژ زانكۆیێن هەرێما كوردستانێ بیت، لێ ئاكنجییێ پارێزگەهێن دەرڤەی ئیدارەیا هەرێما كوردستانێ بیت.