نێچیرڤان بارزانی سهرۆكێ ههرێما كوردستانێ د سالڤهگهڕا 79 سالیا دامەزراندنا پارتی دیموكراتی كوردستان پهیامهك بهلاڤكر و ڕاگههاند، پارتی د ڕهوشهكا ئالۆز و دژوار یا وی دهمیدا وهك پێدڤییهكا ژیانێ هاته دامهزراندن و ب سهرفهرازانه ڕێبهرى و سهركرایهتییا گهلێ كوردستانێ بهرهف ئازادیێ بر، د نوكهدا ل دووڤ دیرۆكێ مهزنترین بهرپرسایهتى بۆ گههاندنا گهلێ كوردستانێ بۆ كهنارێن ئارامییێ دكهڤیته ل سهر ملێن پارتى.
سهرۆكێ ههرێما كوردستانێ دیاركر، بهرپرسایهتییا نیشتیمانییا پارتى ههردهم وه دكهت بۆ ئێكرێزی و تهڤاهی و كۆمكرنا لایهنێن سیاسی بۆ دهربازبوون ژ ئاریشه و ناكۆكییان دهستپێشخهر بیت بۆ هندێ ڕێبهراتییا كوردستانێ ژ بهرهنگاربوونا مهترسی و گوهۆڕینان بكهت و پارتی ههردهم ههموو قوربانییێ ددهت.
نێچیرڤان بارزانی ڕاگههاند، پارتى دگهل پێشهات و پێشكهڤتنێن دهڤهرێ ب گیانێن سهردهم خۆ د گونجینینت، پارتى سهركهڤتی و سهرفهراز مایه و دێ بهردهوام بیت ههتا خهونێن گهلێ كوردستانێ بجهـ بینیت.
Like this:
Like Loading...
