بلۆککرنا کەسێن بێی ناڤەرۆک، نە کەسێن بەرنیاس؟

ل هەموو وەلاتان کومەکا کەسان هەنە د بەرنیاسن تایبەت د ناڤا سوشیال میدیایێ دا، ڤێجا گەلەک جارا ئەو کەس (زانا، مامۆستایێن زانینگەهێ یان مامۆستایەکێ ئاینی یان کەسایەتیەکێ سیاسی یان نوشدارەک یان ژی دبیت ڕۆژنامەڤانەک یان ژی ورزشڤان یان هونەرمەندەک بیت….هتد) نوکە ل دهۆکێ مە ب دەهان کەسێن ناسیار هەنە( مامۆستانە، مەلانە، هونەرمەندن، وەرزشڤانن، ڕۆژنامەڤانن یان خودان بەهرەیەکن) و ناڤەرۆکا بابەتێن ئەوان گەلەک ب مفانە ڤێجا چ بیاڤ بیت و دگەل هندێ مە کومەکا گەنجان ژی هەنە ب ڕێیا کارێن خوە یێن کومیدی رەخنەیان ل خالێن نەجوان یێن جڤاک و سیاسەتا هەیی دگرن ئەو ژی د بەرنیاسن و خودان ناڤەرۆکەکا جوانن، ڤێجا یا گرنگە ئەم ئەڤان کەسان تێکەلی هندەک ناڤێن دی نەکەین کو چ ناڤەرۆک نینە ژ بلی خو عەرزکرنێ و هەمیا بکەینە د بن ناڤەکێ ڤە ب ناڤێ کەسێن بەرنیاس، ژبەر هندێ یا گرنگە هەوا بلۆککرنا کەسێن بەرنیاس بگورین بۆ بلۆککرنا کەسێن بێی ناڤەرۆک، ئەو کەسێن هەموو کارەکێ کێم دکەن داکو بەرنیاس بن، بەرێ خوە بدەن ناڤەرۆکا کەسان نەک ناسیارییا ئەوان.
دوماهییێ دێ بێژم ئەگەر مە 100 کەسێن بەرنیاس ل دهۆکێ هەبن، مە 20کەسەک هەنە بێی ناڤەرۆکن.