رێڤەبەریا گشتیا حەج و عومرێ ل هەرێما کوردستانێ، میکانیزما وەرگرتنا کۆمپانیان بۆ حەجا سالا 2026 ێ” راگەهاند و هندەك ژ باشترین کۆمپانیێن حەجا ئەڤ سالە وەکو پاداشت و بێی پشکكێشان، بۆ سالا بهێت دێ هێنە هەلبژارتن و هەروەسا رێڤەبەریا گشتیا حەج و عومرێ داخواز ژ كۆمپانیان كریە” خۆ د سیستەمێ ئۆنلاین دا تۆمار بکەن.
کاروان ستوونی، پەیڤدارێ رێڤەبەریا گشتیا حەج و عومرێ ل هەرێما کوردستانێ” دیار كر: ل هەرێما کوردستانێ 400 کۆمپانیێن حەج و عومرێ هەنە، سالانە ژ لایێ لژنەکێڤە هەلسانگاندن بۆ وان كۆمپانیان دهێتە کرن و ل دووماهیێ 112 کۆمپانی ژ وان بۆ حەجێ دهێنە هنارتن و ئەو كۆمپانیە دشێن حەجیان بهنێرنە حەجێ ل وەلاتێ سعوودی.
ناڤهاتی ئەو چەند ژی ئاشكرا كر: وەکو پاداشتەک، هندەك ژ وان کۆمپانیێن ل حەجا 2025 ێ” دا باشترین خزمەتگوزاری پێشکێشی حەجیان کرین، بێی پشکكێشان بۆ وەرزێ بهێت دێ هێنە هەلبژارتن” هەروەسا میکانیزما وێ پاداشتکرنێ دێ ب ڤی رەنگی بیت” كو ل پارێزگەهێن هەولێر، سلێمانی و دهۆک، باشترین پێنج کۆمپانی دێ هێنە هەلبژارتن” دیسا ل پارێزگەها هەلەبجە و ئیدارێن سەربەخۆ یێن (سۆران، زاخۆ، گەرمیان و راپەرین) دو باشترین کۆمپانی دێ هێنە هەلبژارتن.
کاروان ستوونی ئاماژە ب هندێ دا ” ئەو کۆمپانیێن دیتر” یێن كو داخوازییێ پێشکێش دکەن، پشتی تۆمارکرنا وان د سیستەمێ ئۆنلاین دا، ژ لایێ لژنەكێڤە هەلسەنگاندن دێ بۆ وان هێتە کرن و ئەوێن ئەو مەرجە تێدا هەبن، ناڤێن وان بۆ پشکكێشانێ دێ هێنە بلند كرن” هەروەسا مەرەما مە ژ ڤێ پێنگاڤێ پاداشتکرنا ئەوان کۆمپانیایە یێن کو باشترین خزمەت پێشکێشی حەجییان کرین و هەردەم د خزمەتا وان دابوون.
