وەزیرێ ڤەگۆهاستنێ:  دیزاینەكێ نوو و سەردەمیانە بۆ فرۆکخانا نێڤدەولەتییا دھۆکێ هاتییە بەرهەڤكرن

وەزیرێ ڤەگۆهاستنێ یێ حکومەتا ھەرێما کوردستانێ دیار كر: دیزاینەكێ نوو و سەردەمیانە بۆ فرۆکخانا نێڤدەولەتییا دھۆکێ هاتییە بەرهەڤكرن و بڕیارە ل گەل کۆمپانییەکا نێڤدەولەتییا ناسیار” ب قووناغ و د دەمەكێ نێزیکدا دەست ب دروستکرنا وێ فرۆكخانێ بهێتە کرن.

ئانۆ جەوھەر، وەزیرێ ڤەگوهاستنێ یێ حکومەتا ھەرێما کوردستانێ” ئەو ژی گۆت: بەری 10 سالان دیزاینەك بۆ فرۆکخانا نێڤدەولەتیا دھۆکێ هاتبوو بەرهەڤكرن و دڤێت د نوكە دا ئەو دیزاینە بۆ فرۆكخانێ گۆهورین تێدا بهێنە كرن، هەروەسا گەلەك ژ وان وەلاتێن فرۆکخانە ژی ھەین، فرۆکخانێن نوو دروست کرینە، ل گەل هندێ فرۆکخانە و شێوێ دروستکرنا وان سال بۆ سالێ دهێنە گۆهورین.

دەربارەیی فرۆكخانا دهۆكێ” ناڤهاتی ئەو چەند ژی ئاشكرا كر: ل سالا ٢٠٢٣ ێ” دا مە دیزاینەكێ نوو بۆ فرۆکخانا نێڤدەولەتییا دھۆکێ ئامادە کر و نوكە ژی ئەم ل گەل کۆمپانییەکا نێڤدەولەتییا ناسیار مژوولی بابەتا شێوازێ دروستکرنا وێ فرۆکخانێینە و د دەمەكێ نێزیك دا دێ کار دکەین بۆ هندێ كو ب قووناغ دەست ب دروستکرنا وێ فرۆکەخانێ بهێتە كرن و پشتی تەمامبوونێ ژی بکەڤیتە د خزمەتا وەلاتییێن باژێرێ دهۆكێ دا.