ئاریشا كۆمەلگەها دوبرا ستی دەمکی هاتە چارەسەرکرن

ئەڤرۆ پشکەک ژ وەلاتیێن ئاکنجی ل کومەلگەها دوبرا ستی ل شێلادزێ ل نێزیک مزگەفتا کۆمەلگەهێ کۆمبوون، پاشی سەرەدانا لقێ 18 یێ پارتی  ل ئامێدیێ كر و داخوازیێن خۆ گەهاندنێ.

ژێدەرەکی ژ وان کەسان بۆ ئاژانسا خانی گوت،  ئەڤرۆ  ب نوونەراتیا  خەلکێ کۆمەلگەها دوبــرا سـتی ل شێلادزێ، هژمارەکا وەلاتیان سەرەدانا لقێ 18 یێ پارتی ل ئامێدیێ كر بۆ گەهاندنا چەند ئاریشان، ژ وانا چێکرنا قوتابخانێ و قێرکرنا کولانێن وان، ب سوپاسیڤە بەرپرسێ لقێ سۆز دا کو د ڤێ حەفتییێ دا دێ ئاریشا قوتابخانێ چارەسەر کەن ئەو ژی ب رێیا دانانا کابینا، دیسان، ئاریشێن دی ژی بزاڤ دێ هێنە کرن بهێنە چارەسەر کرن.