<h2 style="text-align: right;">دنوكەدا شاندێ حكومەتا هەرێما كوردستانێ دگەل شاندێ حكومەتا عیراقێ ل دۆر داهاتێ ناڤخۆ د كۆمبوونەكا ئێكلاكەردایە بۆ گەهشتنا ڕێككەڤتنێ و چارەسەركرنا ئاریشەیا مووچەی، ئەگەر ڕیككەڤتن نەهێتەكرن دێ چارەنڤیسێ مووچەیێ هەیڤێن مایی هەلاویستی مینیت. ل دووڤ زانیارییان، ئەندامەكێ شاندێ عیراقێ داخواز ژ شاندێ هەرێمێ كریە، ب زووترین دەم ڕێككەڤتنێ بكەن، ژبەركو ئەڤە دووماهی دەرفەتە حكومەتا عیراقێ بۆ گەهشتنا ڕێككەڤتنێ د دەتە شاندێ هەرێمێ، كو ئەگەر ڕێككەڤتن نەهاتە كرن، چارەنڤیسێ مووچەیێ هەیڤا حەفت و هەیڤێن دووڤدا دێ كەڤتیە د مەترسییێدا و گەلەك یا بزەحمەتە بهێتە خەرجكرن. هەروەسا زانیاری ئاشكرا دكەن، حكومەتا عیراقێ بخۆ ئاریشەیێن دارایی هەنە، پارەیێ كاش دبانكاندا نینە و هەتا نوكە مووچەیێ هەیڤا نەهـ یێ خانەنشینان نە مەزاختییە. دنوكەدا ناكوكوكییێن داهاتێ ناڤخۆ ل سەر هندێنە، شاندێ هەرێمێ دبێژیت: داهاتێ هندەك وەزارەتان 100%ێ بۆ هەرێمێ یە، داهاتێ هندەك وەزارەتان ژی 50%ێ بۆ هەرێمێ یە، لێ تەیف سامی وەزیرا داراییا عیراقێ دبێژیت: دڤێت 100%ێ داهاتێ هەموو وەزارەتان بهێتە ڕادەستكرن.</h2>
