مەسرور بارزانی یادا دامەزراندنا ئێزگەیێ دەنگێ كوردستانێ پیرۆزدكر و گوت: مێژوویەكا پری سەروەری و شانازی د كاروانێ ڕاگەهاندنا كوردستانێدا هەیە.
مەسرور بارزانی، جێگرێ سەرۆكێ پارتی دیموكراتی كوردستان، ب هەلکەڤتا 62 سالییا دامەزراندنا ئێزگەیێ دەنگێ کوردستان پەیامەکا پیرۆزباهییێ ئاراستەی ڕێڤەبەر و كارمەندێن ئێزگەیێ دەنگێ كوردستانێ كر، ئێزگەیێ دەنگێ كوردستانێ، مێژوویەكا پری سەروەری و شانازییا كاروانێ ڕاگەهاندنا كوردستانێدا هەیە، وەك ئێزگەهەكێ دێرین و دەنگێ شۆرەش و داستانێن پێشمەرگەیێ كوردستانێ بوو، خودان پێگەهەكێ زەنگین و ڕیزگرتیبوو.
مەسرور بارزانی دیار ژی كر، ئەو دەستخۆشیێ ل كارمەندێن ئێزگەی دكەت، هیڤدارە هەردەم د پێشكەڤتنێن بەردەوام و پێشەنگیێدا بن، ژ پێخەمەت گەهاندنا ڕاستییان و گەشەكرنا هزرا نیشتیمان پەروەری و بەرەڤانیكرن ژ مافێن گەلێ كوردستانێ.
