ئهڤڕۆ دوشهمبی 2025/9/29 ێ، نێچيرڤان بارزانى، سهرۆكێ ههرێما كوردستانێ، پێشوازی ل قهداسهتا پاتريارك مار ئاوا، پاترياركێ كهنيسا ڕۆژههڵاتيیا ئاشوورى و هژمارهكا مهترانێن ئهوێ كهنيسێ ل كوردستانێ و عێراقێ و جيهانێ كر.
رەوشا كهنيسا ڕۆژههڵاتيیا ئاشوورى و پهيڕهوێن وێ ل ههرێما كوردستانێ، عێراقێ و جيهانێ هاتە بەحسكرن، رۆناهی خسته سهر ڕهوشا پێكهاتێن ئايينی، ئازادييان و ب تايبهتى ئازاديیا ئايينى ل ههرێما كوردستانێ و عێراقێ.
قهداسهتا پاتريارك مار ئاوا بەحسێ كۆنفرانسێ یادا 1700 سالییا (کۆمەلا نیقییە) كر كو ماوێ سێ ڕۆژێن بۆری ل ههولێرێ هاتبوو ئهنجام دان.
سهرۆك نێچيرڤان بارزانى، زێدەباری دهربڕينا خۆشحالییێ ب ئهنجامدانا چالاكييێن كهنيسا ڕۆژههڵاتيیا ئاشوورى ل ههولێرێ، سوپاسیا وان كر كو ساڵانه د چارچوڤێ كار و بهرنامێ وان دا، هژمارهكا گهنجێن دەرڤەیی وەلاتی، بۆ سهرەدان و ئاشنابوون ب وەڵاتی و كلتوورێ وان د ئیننە كوردستان.
ههروهسا دوپاتكر كو ههرێما كوردستانێ شانازییێ ب كلتوورێ پێكڤهژيانێ و ئێكتر قەبوولكرنێ و لێبورینێ د ناڤبەرا پێكهاتاندا دكەت و ههردەم پارێزهرىیێ ل ماف و ئازادييێن ههموویان دبیت.
